Gujarati News

Gujarati News

News of Tuesday, 22nd September 2020

'અકિલા'ના 'કોલમીસ્ટ' ઈન્દુબેને વિદાય લીધી

રાજકોટ : અકિલા પરિવાર સાથે દાયકાઓથી પારિવારિક નાતો ધરાવતા અને અપ્રતિમ સાહિત્યપ્રેમી, કલારસીક શ્રી વિનુભાઈ જગડા અને શ્રીમતી ઈન્દુબેન જગડા દંપતિ દ્વારા વર્ષોથી 'અકિલા'માં 'આજના શુભ દિવસે' કોલમ દ્વારા લોકોના જીવનને પ્રેરણા આપતી વિગતો પીરસાતી રહી છે. જગડા દંપતિ માહેના ઈન્દુબેને લાંબી માંદગી પછી આજે સવારે લાંબા ગામતરાના પંથે પ્રયાણ કર્યુ છે. અકિલા પરિવારે એક આપ્તજન સદેહે ગુમાવેલ છે. તેનું અપાર દુઃખ છે. સાથે જ તેમની નવી યાત્રા ઉપર અસીમ આર્શીવાદ વરસે તેવી ઈશ્વરને બે કર જોડી પ્રાર્થના.

શ્રીમતી ઈન્દુબેન વિનુભાઈ જગડાની મહેમાનગતિ માણવી એ અલૌકિક લ્હાવો હતો. વિનુભાઈ અને ઇન્દુબેનને મેં અનેક સંગીત - નાટ્ય - લાઈવ કોન્સર્ટ સહિતના સમારોહમાં પ્રથમ હરોળમાં બેઠેલા જોયા છે. બંને એટલા જ ચાર્મીંગ અને સહુની નજર ખેંચે તેવા મનમોહક વ્યકિતત્વ ધરાવતા. અનેક દિગ્ગજ કલાકારો સ્ટેજ ઉપરથી વિનુભાઈ - ઈન્દુબેનની સૌમ્ય પ્રતિભાનું સન્માન કરતા, સાદ પાડીને બોલાવતા.

ઈન્દુબેન ૭૦ વર્ષની વયે પોતાની જીવનસફર પૂર્ણ કરી કોઈ નવી દુનિયાની સફરે નીકળી પડ્યા છે. ઈન્દુબેનના પુત્રી દિપ્તી (દુબઈ), જમાઇ અમીશ વિભાકર, દોહિત્રી અક્ષિતા તથા ઈન્દુબેનના પુત્ર પુનિત, પુત્રવધુ જયોતિ, પૌત્ર - પૌત્રીઓ અર્ષ, ઓર્રા અને વિરૂ સહિત સમગ્ર પરિવાર તેમની વિદાય વેળાએ ઉપસ્થિત હતો. ઈન્દુબેન - વિનુભાઈના એક પુત્ર સ્વ. રોહિતનું થોડા વર્ષો પહેલા નિધન થયેલ.

'અકિલા' પરિવારના શ્રી કિરીટભાઈ ગણાત્રા, અજીતભાઈ ગણાત્રા, રાજેશભાઈ ગણાત્રા, નિમીષભાઈ ગણાત્રાએ બે મિનિટ મૌન પાળી ઈન્દુબેનને અંતિમ વિદાય આપી હતી. શાંતિઃ શાંતિઃ શાંતિઃ

આજના શુભ દિવસે...

વિનુભાઇ જગડા  ઇન્દુબેન જગડા

મો. ૯૮૭૯પ ૭૯૩૪૧

(12:07 pm IST)
  • મુંબઈમાં અત્યારે મોડી રાત્રે પણ ભારે વરસાદ ચાલુ છે. વીજળીની ગાજવીજ અને કડાકા-ભડાકા વચ્ચે જોરદાર વરસાદ પડી રહ્યો છે. આજે અને કાલે ભારે વરસાદની આગાહી છે. access_time 11:51 pm IST

  • કાલે નરેન્દ્રભાઇ કોરોનાથી સૌથી વધુ પ્રભાવિત સાત રાજયોના મુખ્યમંત્રી સાથે વર્ચ્યુઅલ મીટિંગ કરશે : આ મીટિંગમાં મહારાષ્ટ્ર, આંધ્રપ્રદેશ, કર્ણાટક, ઉત્તરપ્રદેશ, તામિલનાડુ, દિલ્હી અને પંજાબના મુખ્યમંત્રીઓ રહેશે હાજર access_time 3:05 pm IST

  • 3.6ની તીવ્રતાના ધરતીકંપથી શ્રીનગર ધ્રુજી ઉઠ્યું : લોકો રસ્તાઓ પીઆર દોડી આવ્યા : જમ્મુ અને કાશ્મીર - શ્રીનગરના ઉત્તર પશ્ચિમ વિસ્તારથી 11 કિ.મી. ના અંતરે મોડી સાંજે 09:40 વાગ્યે ભૂકંપ નોધાયાનું રાષ્ટ્રીય સિસ્મોલોજી કેન્દ્ર એ જાહેર કર્યું છે. access_time 12:07 am IST