Gujarati News

રાજકોટઃ રાજકોટ કલેકટર શ્રી દ્વારા ૨૪મીએ વર્લ્ડ રેકોર્ડ સર્જાશે. તેમના નિર્દેશથી કલેકટર કચેરી ખાતે વિશ્વ વિક્રમ સર્જતો ફલેગ ઓફ યુનિટી- ભારતનો આહલાદ્ક ત્રિરંગો રાજપીપળાના શ્રી વિરાજબા જાડેજાએ તૈયાર કર્યો છે.

રાજકોટની પ્રજા, વિદ્યાર્થીઓ, કર્મચારીઓ, નેતાઓ, અધિકારીઓના સહયોગથી ૪૨ હજાર કાગળો એકબીજા સાથે જોડી ૧૮ દિવસમાં આ ત્રિરંગો તૈયાર થયો છે.

આ ત્રિરંગો અને કલેકટર કચેરીના જનસેવા કેન્દ્રનું લોકાર્પણ ૨૪મીએ સવારે ૧૦ વાગ્યે રાજ્યના નાયબ મુખ્યમંત્રી શ્રી નીતિનભાઈ પટેલના હસ્તે થશે અને એ સાથે વિશ્વના સૌથી મોટા કાગળના બનેલા રાષ્ટ્રધ્વજનો વર્લ્ડ રેકોર્ડસ થશે.(તસ્વીરઃ સંદીપ બગથરીયા)