Gujarati News

Gujarati News

News of Monday, 21st September 2020

હત્યાના પ્રયાસના કેસમાં જેલમાંથી પેરોલ જંપ કરનાર ઔરંગઝેબ ઉર્ફે ટીપુ પકડાયો

ક્રાઇમ બ્રાંચના એએસઆઇ ચેતનભાઇ ચાવડા અને કરણભાઇ મારૂની બાતમી

રાજકોટ,તા. ૨૧: અમરેલીમાં હત્યાના પ્રયાસના ગુનામાં રાજકોટ જેલમાંથી પેરોલ જંપ કરનાર કેદીને ક્રાઇમ બ્રાંચની ટીમે આજીડેમ ચોકડી પાસેથી પકડી લીધો હતો. મળતી વિગત મુજબ શહેર પોલીસ કમિશનર મનોજ અગ્રાવલે નાસતા ફરતા આરોપીઓને પકડી પાડવા માટે સુચના આપતા ક્રાઇમ બ્રાંચના પીઆઇ વી.કે.ગઢવીના માર્ગદર્શન હેઠળ પીએસઆઇ યુ.બી.જોગરાણા, એએસઆઇ બી.આર. ગઢવી, સી.એમ.ચાવડા, હેડ કોન્સ. સંતોષભાઇ મોરી, જયંતીભાઇ ગોહેલ, અભિજીતસિંહ જાડેજા, અશોકભાઇ ડાંગર, ઇન્દ્રજીતસિંહ ગોહીલ તથા કરણભાઇ મારૂ સહિત પેટ્રોલીંગમાં હતા. ત્યારે એએસઆઇ ચેતનભાઇ ચાવડા અને કરણભાઇ મારૂને મળેલી બાતમીના આધારે આજીડેમ ચોકડી પાસેથી અમરેલીના ઔરંગઝેબ ઉર્ફે ટીપુ ઇકબાલભાઇ નાગોરી (ઉવ.૩૦)ને પકડી લીધો હતો. પકડાયેલો કેદી અમરેલીમાં થયેલ હત્યાના પ્રયાસના ગુનામાં રાજકોટ મધ્યસ્થ જેલમાં સજા ભોગવતો હતો તે પેરોલ રજા પર ગયા બાદ ફરાર થઇ ગયો હતો.

(4:13 pm IST)
  • અત્યારે રાત્રે 10:45 વાગે ઈન્સેટ તસવીરમાં સૌરાષ્ટ્ર ગુજરાત ઉપર પ્રચંડ વાદળા છવાયેલા જોવા મળે છે. રાજકોટ ઉપર વાદળાઓની ભયંકર ગડગડાટી થઈ રહી છે.. access_time 11:04 pm IST

  • સતત આઠમા દિવસે ડિઝલના ભાવમાં ઘટાડો: પેટ્રોલના ભાવ યથાવત: ડીઝલના ભાવમાં 18 પૈસાનો ઘટાડો :ડીઝલનાં ભાવમાં આજે આઠમા દિવસે 18 પૈસાનો ઘટાડો, જયારે પેટ્રોલનો ભાવ ત્રણ દિવસથી યથાવત. ભાવમાં ઘટાડો સવારે છ વાગ્યા થી લાગુ થશે. access_time 11:58 pm IST

  • બોલીવુડમાં હજુ કેટલી હત્યાઓ થશે ? : કેટલા યુવાનો ડ્રગ્સની લતનો ભોગ બનશે ? : કેટલી મહિલાઓની લાજ લુંટાશે ? : હાથમાં 3 પોસ્ટર સાથે ભાજપ સાંસદ અને ટી.વી.અભિનેત્રી રૂપા ગાંગુલી ( દ્રૌપદી ) ના મુંબઈ પોલીસ ડિપાર્ટમેન્ટ ઉપર પ્રહારો access_time 12:53 pm IST