Gujarati News

Gujarati News

News of Tuesday, 21st May 2019

રેલનગર મહારાણા પ્રતાપ ટાઉનશીપમાં ધમાલઃ રહેવાસીઓ પોલીસ મથકે પહોંચ્યા

વિમલે પાઇપ ફટકાર્યાની દેવ વાણકીયાની ફરિયાદઃ દેવ દારૂ પી ધમાલ મચાવતો હોવાની ટાઉનશીપના રહેવાસીઓની પ્ર.નગર પોલીસ મથકમાં લેખિત રજૂઆત

રાજકોટઃ રેલનગર મહારાણા પ્રતાપ ટાઉનશીપમાં રાત્રે ધમાલ મચી જતાં ટાઉનશીપના રહેવાસીઓ પ્ર.નગર પોલીસ મથકે દોડી આવ્યા હતાં અને બ્લોક નં. ૧૧માં રહેતાં અને એડવર્ટાઇઝનું કામ કરતાં દેવ વિનોદભાઇ વાણકીયા (ઉ.૨૧) નામના યુવાન વિરૂધ્ધ રજૂઆત કરી હતી. આ શખ્સ દારૂ પી રહેવાસીઓને હેરાન કરતો હોવાની રજૂઆત પ્ર.નગર પી.આઇ. શ્રી કાતરીયા સમક્ષ કરવામાં આવી હતી. બીજી તરફ દેવ વાણકીયા પોતાને રાત્રે સાડા દસેક વાગ્યે ગ્રાઉન્ડ ફલોરમાં હતો ત્યારે વિમલે ઝઘડો કરી પાઇપ ફટકાર્યાની રાવ સાથે સિવિલ હોસ્પિટલમાં દાખલ થતાં તેની ફરિયાદ પરથી પીએસઆઇ બી.વી. બોરીસાગરે વિમલ સામે ગુનો નોંધ્યો હતો. દેવના કહેવા મુજબ પોતે પડોશી સવિતાબેનને 'તમે ટાઉનશીપમાં બધા વચ્ચે ઝઘડા કેમ કરાવો છો? ચઢામણી કેમ કરો છો?' તેમ કહી વાત કરતો હતો ત્યારે વિમલે વચ્ચે પડી હુમલો કર્યો હતો. તસ્વીરમાં પ્ર.નગર પોલીસ મથકે રજૂઆત કરવા પહોંચેલા રહેવાસીઓ અને ઇન્સેટમાં ઘાયલ થયેલો દેવ જોઇ શકાય છે

(3:57 pm IST)
  • નર્મદા સરદાર સરોવર ડેમની સપાટીમાં વધારોઃ ડેમના ઇતિહાસમાં પહેલીવાર મે માસમાં ૧૧૯.૪૭ મીટર સપાટીઃ છેલ્લા બે દિવસમાં ત્રણ સે.મી.નો વધારો નોંધાયોઃ ડેમના ઉપરવાસમાંથી ૪૦૦૦ કયુસેક પાણીની આવક access_time 3:10 pm IST

  • બ્રાઝીલનાં બારમાં 7 બંદુકધારીઓએ કર્યો અંધાધૂંધ ગોળીબાર :બાર માલિક સહિત 11 લોકોનાં મોત: ઉત્તર બ્રાઝીલના બેલેમ શહેરનાં એક બારમાં બંદૂકધારીઓએ અંધાધુંધ ગોળીબાર કર્યો હતો access_time 12:53 am IST

  • આણંદના ઉમરેઠમાં ડુબી જવાથી ૪ જાનૈયાના મોત : આણંદના ઉમરેઠમાં મહિસાગર નદીમાં ન્હાવા ગયેલા પાંચ માંથી ચારના મોતઃ ઉમરેઠ પ્રતાપપુરા ગામની ઘટનાઃ એક બાળક અને ત્રણ મહિલાના મોત નિપજયા access_time 3:10 pm IST