Gujarati News

Gujarati News

News of Monday, 21st May 2018

ત્રણ દિ' ગરમી હજુ યથાવત, બાદ બફારો વધશે

દક્ષિણ - પૂર્વ અરબી સમુદ્રનું લોપ્રેશર મજબૂત બન્યુ, હાલ અરબી સમુદ્રમાં છે, ૪૮ કલાક બાદ વાવાઝોડામાં પરિવર્તિત થશે : 'મેકુનુ' વાવાઝોડુ હાલ ભારતથી દૂર જાય છે : તા.૨૧ થી ૨૪ (સોમથી) ૪૨ થી ૪૪ ડિગ્રી વચ્ચે તાપમાન રહેશે : ૨૪મીથી વાદળો છવાશે : સવારે ભેજ વધશે એટલે બફારાનો અનુભવ થશે : ૨૫મીથી ઉપલા લેવલની અસ્થિરતા વધશે : તા.૨૪ થી ૨૭ કચ્છ અને સૌરાષ્ટ્રના દરિયાકિનારે પવનનું જોર વધશે : અશોકભાઈ પટેલ

રાજકોટ, તા. ૨૧ : અસહ્ય તાપ- ગરમીથી લોકો ત્રાહીમામ પોકારી ઉઠ્યા છે. હજુ પણ ત્રણેક દિવસ ગરમીમાં રાહત મળવાની નથી. ત્યારબાદ ગરમીમાં આંશિક ઘટાડો થશે પરંતુ બફારાનો અનુભવ થશે. દરમિયાન દક્ષિણ - પૂર્વ અરબી સમુદ્રનું એક લોપ્રેશર મજબૂત બન્યુ છે. જે હાલ અરબી સમુદ્રમાં છે આવતા ૪૮ કલાકમાં વાવાઝોડામાં પરિવર્તિત થશે. આ વાવાઝોડાનું નામ 'મેકુનુ' રાખવામાં આવ્યુ છે. આ વાવાઝોડુ હાલ તો ભારતથી ઘણુ દૂર જાય છે.

જાણીતા વેધરએનાલીસ્ટ શ્રી અશોકભાઈ પટેલે 'અકિલા' સાથેની વાતચીતમાં જણાવ્યુ હતું કે, ગઈકાલે દક્ષિણ પૂર્વ અરબી સમુદ્રમાં એક લોપ્રેશર થયેલુ. જે પશ્ચિમ ઉત્તર પશ્ચિમ તરફ ગતિ કરી આજે દક્ષિણ પશ્ચિમ અરબી સમુદ્રમાં છે. જેનું લોકેશન ૮ ડિગ્રી નોર્થ, ૫૯ ઈસ્ટ, ૧૦૦૪ મિલીબાર પ્રેશર અને ૧ મિનિટના સરેરાશ ૪૫ કિ.મી.ની ઝડપે પવન ફૂંકાય છે. આ સિસ્ટમ આવતા ૨૪ કલાકમાં મજબૂત બની ડિપ્રેશનમાં પરિવર્તિત થયા બાદ પછીના ૨૪ કલાક પછી વાવાઝોડામાં પરિવર્તિત થશે. યુરોપિયન મોડલ મુજબ આ સિસ્ટમ યેમેનની બોર્ડર તરફ જાય છે. જયારે બીએસએફ ઓર્ડર મુજબ આ સિસ્ટમ ઓમાન તરફ જાય છે. હાલમાં આ સિસ્ટમ ભારતથી દૂર જાય છે.  (નોંધ.. : હવામાન ખાતાની સુચના મુજબ અનુસરવું)

અશોકભાઈ વધુમાં કહે છે કે તા.૨૧ થી ૨૪ સુધી ગરમી યથાવત રહેશે. ગરમીનો પારો ૪૨ થી ૪૪ ડિગ્રી વચ્ચે જોવા મળશે. તા.૨૪ થી વાદળો છવાવાની શરૂઆત થશે. સવારે ભેજનું પ્રમાણ પણ વધશે. તેમજ તા.૨૫-૨૬ના બપોરના સમયે પણ ભેજ વધશે. એટલે કે ગરમીમાં થોડીક રાહત મળશે. પણ બફારો વધશે. તા.૨૫થી  ઉપલા લેવલની અસ્થિરતા વધશે. તા.૨૪ થી ૨૭ કચ્છ અને સૌરાષ્ટ્રના દરિયાકિનારે પવન વધુ રહેશે.

(3:09 pm IST)
  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST

  • MPમાં કોંગ્રેસ મુખ્યમંત્રીપદનો ચહેરો જાહેર નહિ કરે : મધ્ય પ્રદેશમાં મુખ્યમંત્રી પદનો ચહેરો જાહેર કર્યા વગર કોંગ્રેસ ચૂંટણી લડશેઃ કમલનાથઃ સૂત્રો કહે છે, કમલનાથ અને જયોતિરાદિત્ય જૂથો વચ્ચે જોરદાર વિવાદ ચાલે છેઃ દિગ્વીજયસિંહે પણ નવો મોરચો ખોલ્યો છે access_time 3:42 pm IST