Gujarati News

Gujarati News

News of Tuesday, 20th August 2019

છોટુનગર ઝૂપડપટ્ટીમાં દિકરીની છેડતી કરનારને ટપારતાં ભીખાભાઇ પર હુમલો

ગોપાલ, અર્જુન, તેના પિતા બાબુ તેમજ હરજીએ તલવાર, લાકડી, પાઇપથી હુમલો કરી ધમકી પણ દીધાની ફરિયાદ

રાજકોટ તા. ૨૦: રૈયા રોડ હનુમાન મઢી પાછળ છોટુનગર ઝૂપડપટ્ટીમાં રહેતાં અને છુટક મજૂરી કરતાં ભીખાભાઇ ભનુભાઇ અધારીયા (ઉ.૫૦) નામના દેવીપૂજક પ્રોૈઢે પોતાની ૧૧ વર્ષની દિકરી જાહેર શોૈચાલયમાં હાજતે જાય ત્યારે ઝૂપડપટ્ટીમાં જ રહેતાં છોકરાઓ તેણીને હેરાન કરી છેડતી કરતાં હોઇ તે બાબતે ઠપકો આપતાં આ છોકરાઓ અને તેના પિતા સહિતે ઝઘડો કરી સશસ્ત્ર હુમલો કરતાં ભીખાભાઇને ઇજાઓ થતાં સિવિલ હોસ્પિટલમાં દાખલ કરવામાં આવ્યા છે.

ગાંધીગ્રામના પીએસઆઇ વી.સી. પરમારે ભીખાભાઇના દિકરા રાજુ અધારીયા (ઉ.૧૯)ની ફરિયાદ પરથી ગોપાલ બાબુ, અર્જુન બાબુ, તેના પિતા બાબુ ભના તથા હરજી ભનુ સામે ગુનો નોંધ્યો છે. રાજુના કહેવા મુજબ તેની ૧૧ વર્ષની બહેન ઝૂપડેથી જાહેર શોૈચાલયે જતી હોય ત્યારે રસ્તામાં ગોપાલ, અર્જુન સહિતના છોકરા તેને હેરાન કરતાં હોઇ અને રસ્તે નીકળવા બાબતે માથાકુટ કરતાં હોઇ આ બાબતે પિતા ભીખાભાઇએ ઠપકો આપતાં આ બંને તથા તેના પિતા સહિતનાએ મળી હુમલો કરતાં પિતા ભીખાભાઇને માથા, શરીરે ઇજાઓ થઇ હતી. પોલીસે હુમલાખોરોને ઝડપી લેવા તજવીજ કરી હતી.

(1:22 pm IST)
  • વિંગ કમાન્ડર અભિનંદનની ધરપકડ કરનારા કમાન્ડોને ભારતીય સેનાએ માર્યો ઠાર: વિંગ કમાન્ડર અભિનંદનનું વિમાન જ્યારે તુટી પડ્યું અને પેરાશુટની મદદથી કૂદીને જ્યારે પાકિસ્તાનમાં ઉતર્યા ત્યારે પાકિસ્તાની સેનાને સ્પેશિયલ સર્વિસ ગ્રૂપના એક સુબેદાર અહેમદ ખાને તેમની ધરપકડ કરી હતી access_time 1:13 am IST

  • ઉત્તર પ્રદેશમાં જંગલરાજઃ પેટ્રોલ-ડીઝલના સતત ભાવ વધારાથી કરોડો ગરીબો-મધ્યમ વર્ગને કમરતોડ અસર થવાની : માયાવતી : કાયદો-વ્યવસ્થા-બેરોજગારીથી ત્રસ્ત લોકો ઉપર વધુને વધુને વધુ ભારણ નખાતુ જાય છેઃ ઉત્તરપ્રદેશમાં જંગલરાજ પ્રવર્તતું હોવાના બહેન માયાવતીના ચાબખા : ભાજપની ખોટી નીતિઓનું પરીણામઃ ઉ.પ્ર.માં યોગી સરકાર અધિકારીઓની બલી ચઢાવી રહી છે. access_time 1:06 pm IST

  • આરજેડી નેતાએ નીતીશકુમારના કર્યા વખાણ :કહ્યું મોદીને આપી શકે છે પડકાર:આરજેડીના રાષ્ટ્રીય ઉપાધ્યક્ષ શિવાનંદ તિવારીએ બિહારના મુખ્યમંત્રી નીતીશકુમારની પ્રશસા કરતા કહ્યું કે નીતીશકુમાર પીએમ મોદીને પડકાર આપી શકે છે access_time 1:09 am IST