Gujarati News

Gujarati News

News of Tuesday, 20th August 2019

૩ માસની આયેશા પ માસના પ્રિન્સનું બેભાન હાલતમાં મોત

નાના મવા શાસ્ત્રીનગરના મહેન્દ્રભાઇ શિશાંગીયાએ પણ બેભાન હાલતમાં દમ તોડ્યો

રાજકોટ તા. ૨૦: માધાપર ચોકડીથી બેડી બાયપાસ પુલ ઉતરતા સુંદરમ્ સીટીની સાઇટ પર રહી સેન્ટીંગ કામની મજૂરી કરતાં મુળ યુ.પી.ના અમન યાદવની દિકરી આયેશા (ઉ.૩ માસ)ને સાંજે માતાએ પેટ ભરાવી સુવડાવ્યા બાદ તેણીને અચાનક આંચકી ઉપડતાં બેભાન થઇ જતાં સિવિલ હોસ્પિટલમાં ખસેડાઇ હતી. પરંતુ અહિ મોત  નિપજતાં પરિવારમાં શોક છવાઇ ગયો હતો. મૃતક બાળા બે બહેન અને એક ભાઇમાં નાની હતી. પ્ર.નગર પોલીસે એડી નોંધી જરૂરી કાર્યવાહી કરી હતી.

બીજા બનાવમાં કુવાડવા રોડ ચામુંડા સોસાયટીમાં રણછોડદાસ બાપુના આશ્રમ સામે રહેતાં રવિભાઇ સદાદીયાનો પુત્ર પ્રિન્સ (ઉ. ૫ માસ) રાતે અચાનક બેભાન થઇ જતાં સિવિલ હોસ્પિટલમાં ખસેડાયો હતો. પરંતુ તબિબે મૃત જાહેર કર્યો હતો. ત્રીજા બનાવમાં નાના મવા શાસ્ત્રીનગરમાં રહેતાં મહેન્દ્રભાઇ નાનુભાઇ શિશાંગીયા (ઉ.૫૩)ને જુની બિમારી હોઇ બેભાન થઇ જતાં સિવિલમાં ખસેડાયા હતાં. પરંતુ તબિબે નિષ્પ્રાણ જાહેર કરતાં સ્વજનોમાં ગમગીની છવાઇ ગઇ હતી. હોસ્પિટલ ચોકીના જગુભા ઝાલા અને અક્ષય ડાંગરે પ્ર.નગર, બી-ડિવીઝન અને તાલુકા પોલીસને જાણ કરી હતી.

(1:22 pm IST)
  • પટના મેયરના પુત્ર પર આંખ મારવાનો આરોપ ;મહિલા કોર્પોરેટર પીન્કીદેવીએ કહ્યું પહેલી વાર ઇગ્નોર કર્યો,હવે સહનશક્તિની હદ થઇ ગઈ :પટના નગરનિગમનો જૂથબંધી ચરમસીમાએ પહોંચી : અંદરો અંદરની લડાઈ હવે ખુલીને બહાર આવી :આરોપ પ્રત્યારોપણ બાદ મેયર સીતા સાહુના પુત્ર શિશિર પર લાગ્યો ગંભીર આરોપ access_time 1:22 am IST

  • વિંગ કમાન્ડર અભિનંદનની ધરપકડ કરનારા કમાન્ડોને ભારતીય સેનાએ માર્યો ઠાર: વિંગ કમાન્ડર અભિનંદનનું વિમાન જ્યારે તુટી પડ્યું અને પેરાશુટની મદદથી કૂદીને જ્યારે પાકિસ્તાનમાં ઉતર્યા ત્યારે પાકિસ્તાની સેનાને સ્પેશિયલ સર્વિસ ગ્રૂપના એક સુબેદાર અહેમદ ખાને તેમની ધરપકડ કરી હતી access_time 1:13 am IST

  • સંઘને કારણે ભારતને સ્વતંત્રતા મોડી મળી : ભાજપના નેતા શિવરાજસિંહ ચૌહાણના આરોપના જવાબમાં ગોવા કોંગ્રેસે કહ્યું કે ભારતની આઝાદીમાં મોડું થવાનું મુખ્ય કારણ આરએસએસ છે ; શિવરાજસિંહે કહ્યું હતું કે પુર્તગાલી શાસનથી ગોવાની મુક્તિમાં વિલબનુ કારણ દિવંગત પૂર્વ પીએમ જવાહરલાલ નહેરુ હતા :ગોવાના કોંગ્રેસ પ્રદેશ પ્રમુખ ગિરીશ એ કહ્યું કે સંઘે સ્વતંત્રતા સંગ્રામમાં ભાગ લીધો હૉટ તો આપણને સ્વતંત્રતા વહેલી મળત access_time 1:14 am IST