Gujarati News

Gujarati News

News of Wednesday, 20th March 2019

રાજકોટ જિલ્લામાં ૨૧ લાખ યુવા મતદારો, ૩૮૩૬૪ મતદારો ૮૦ વર્ષથી વધુ વયના

રાજકોટ : મતદાન થકી ઉજવાતા લોકશાહીના ઉત્સવમાં મતદારોની ભૂમિકા મહત્વની છે. જયાં સુધી તમામ નાગરિકો પોતાના બંધારણે આપેલા મતાધિકારનો પૂર્ણતયા ઉપયોગ ના કરે ત્યાં સુધી લોકશાહીમાં થોડી કચાશ રહી છે, એમ કહેવાય છે. આવા નાગરિકોમાં યુવામતદારો પણ સમાવેશ થાય છે. હર વખતની ચૂંટણીમાં યુવાધન ઉત્સાહપૂર્વક મતદાન કરે છે. લોકસભાની આ સામાન્ય ચૂંટણીમાં રાજકોટ જિલ્લામાં ૨૮,૩૩૬ યુવાનો પ્રથમ વખત મતદાન કરવાના છે. જિલ્લામાં ૧૮થી ૩૯ વર્ષનાઙ્ગ ૧૦૦૮૧૭૭ મતદારો યુવાન છે. વિશેષ બાબત તો એ છે કે રાજકોટ જિલ્લામાં ૧-૧-૨૦૧૯ની સ્થિતિએ નોંધાયેલા કૂલ મતદારો પૈકી અડધા મતદારો યુવાન છે. બીજા શબ્દોમાં એમ કહી શકાય કે રાજકોટ જિલ્લાની મતદાર યાદી યુવાન છે.

આ બાબતે કલેકટર ડો. રાહુલ ગુપ્તાએ જણાવ્યું કે, રાજકોટ જિલ્લામાં વયજૂથ પ્રમાણે ૧૮થી ૧૯ વર્ષના કૂલ ૨૮,૩૩૬ મતદારો છે. જયારે, ૨૦થી ૨૯ વર્ષના કૂલ ૪,૩૧,૮૩૩ મતદારો છે. એ જ પ્રમાણે ૩૦થી ૩૯ વર્ષની વયજૂથમાં કૂલ ૫,૪૮,૦૦૮ મતદારોનો સમાવેશ થાય છે. આ ત્રણેય વયજૂથમાં કૂલ ૧૦,૦૮,૧૭૭ મતદારો છે. એટલ કે, રાજકોટ જિલ્લાના કૂલ ૨૧,૧૩,૩૧૬ મતદારો પૈકી અડધા મતદારો યુવાન છે.

બાકીના મતદારોની સંખ્યા વય જૂથ પ્રમાણે જોઇએ તો ૪૯થી ૪૯ વર્ષના ૪,૩૦,૭૫૫, ૫૦થી ૫૯ વર્ષના ૩,૨૯,૮૩૨, ૬૦થી ૬૯ વર્ષના ૨,૦૨,૬૬૨ મતદારો, ૭૦થી ૭૯ વર્ષના ૧,૦૩,૫૨૬ મતદારો અને ૮૦ વર્ષથી ઉપરના કૂલ ૩૮,૩૬૪ મતદારો નોંધાયેલા છે.યુવાનોની નોંધણી કરાવવાનું મુખ્ય શ્રેય બૂથ લેવલ અધિકારીને પણ જાય છે. મતદાર યાદી સુધારણા કાર્યક્રમો દરમિયાન રાજકોટ ઉપરાંત જિલ્લાની શાળા અને કોલેજોમાં બીએલઓ ગયા હતા અને યુવા મતદારોની નોંધણી કરી હતી. હવે, મતદાન કરવા માટે સ્વીપ કાર્યક્રમ અંતર્ગત વિવિધ પ્રકારના જનજગૃતિ કાર્યક્રમો ચાલી રહ્યા છે.

સંકલન : દર્શન ત્રિવેદી, રાજકોટ

(3:40 pm IST)
  • અમદાવાદ : દેશની સૌથી મોટી એરલાઇન્સ સપડાઇ આર્થિક સંકટમાં : મુંબઇ-અમદાવાદ અને દિલ્લી-અમદાવાદની ફ્લાઇટ કરી રદ :આર્થિક સંકટને લઇ જેટ એરવેઝ ફ્લાઇટો કરી રહ્યું છે રદ્દ. access_time 10:59 am IST

  • ચૂંટણી પ્રચાર દરમ્યાન વાણી અને વર્તનમાં વિવેક રાખવા જાહેરનામું: પ્રચાર ભાષણનાં નહીં થઇ શકે નેતાઓની મિમિક્રી: ગાંધીનગર કલેક્ટરનું જાહેરનામું access_time 11:00 am IST

  • સપા -બસપાના ઉમેદવાર શફીકુર્રરહમાન બર્કનું વિવાદી નિવેદન :કહ્યું વંદેમાતરમના આજે પણ અમે વિરોધી છીએ :ચાર વખત સાંસદ અને યુપી સરકારમાં મંત્રી રહી ચૂકેલા બર્કે મુરાદાબાદમાં કહ્યું કે તેઓ વંદેમાતરમનો ખુલીને વિરોધ કરે છે :પૂર્વ સંસદે કેમરા સમક્ષ ભાર મૂકીને કહ્યું કે તેઓ આજે પણ વંદેમાતરમનો વિરોધ કરે છે :ગત સરકારમાં સંસદમાં ચાલતા રાષ્ટ્રગીતનો વિરોધ કરીને બર્કે વોકઆઉટ કર્યો હતો access_time 12:31 am IST