Gujarati News

રાજકોટ તા. ૧૬ : મહાનગરપાલિકા સંચાલીત શહેરમાં સીટી - બીઆરટીએસ બસ તથા રામવન - પ્રદ્યુમન પાર્કમાં દિવ્‍યાંગોને ટીકીટમાં રાહત આપવા મયુનિ. કમિશનરને ડે.મેયર ડો. દર્શિતાબેન શાહ દ્વારા સુચન કરવામાં આવ્‍યું છે.

આ અંગે ડે.ﾠમેયર ડો.ﾠદર્શીતાબેન શાહે દિવ્‍યાંગોને ટીકીટમાં રાહત આપવા બાબતે મ્‍યુની.ﾠકમિશનરને રજૂઆત કરેલ છે કે મહાનગરપાલિકા હસ્‍તક સીટી બસ તથા બી.આર.ટી.એસ.ﾠબસ કાર્યરત છે તેમજﾠલોકોને હરવા-ફરવાના સ્‍થળ તરીકે તાજેતરમાં રામવન ખુલ્લું મુકાયું છે તથા મહાનગરપાલિકા હસ્‍તક પ્રદ્યુમન પાર્ક(ઝૂ)ﾠહાલ કાર્યરત છે.ﾠસીટી બસ તથા બી.આર.ટી.એસ.ﾠબસમાં જવા આવવા નિયમ અનુસાર શહેરીજનોએ ટીકીટ લેવાની હોય છે અને ત્‍યાર બાદ બસમાં મુસાફરી કરી શકે છે.ﾠતથા રામવન,ﾠપ્રદ્યુમન પાર્ક(ઝૂ)માં ટીકીટ બાદ પ્રવેશ કરી શકે છે.

વધુમાં ડો. દર્શિતાબેનએ સીટી બસ તથા બી.આર.ટી.એસ.ﾠબસમાં વિદ્યાર્થીઓને ટીકીટમાં કન્‍સેક્‍સન આપવામાં આવે છે.ﾠજયારે દિવ્‍યાંગ વ્‍યક્‍તિઓને શહેરીજનોની માફક ટીકીટ લેવી પડતી હોય છે.ﾠદિવ્‍યાંગ વ્‍યક્‍તિ પણ રાહતદરેﾠજે-તે સ્‍થળોએ જઈ શકે તે ધ્‍યાને લઇ તેઓ માટે પ્રોત્‍સાહનરૂપ રાજકોટ મહાનગરપાલિકા હસ્‍તક સીટી બસ,ﾠબી.આર.ટી.એસ.માં સરકારશ્રીના નિયમો અનુસાર દિવ્‍યાંગ અંગેનું સર્ટિફિકેટ રજુ કરે તે મુજબ તેઓને ટીકીટમાં રાહત આપવી જરૂરી છે.ﾠતેમજ રામવન તથા પ્રદ્યુમન પાર્ક(ઝૂ)માં પ્રવેશ ટીકીટમાં પણ રાહત દરે તેઓને પ્રવેશ આપવામાં આવે તો દિવ્‍યાંગ વ્‍યક્‍તિને ઘણું પ્રોત્‍સાહન મળશે.ﾠદિવ્‍યાંગોને પ્રોત્‍સાહનરૂપ ટીકીટ દરમાં દિવ્‍યાંગ અંગેનું સર્ટિફિકેટ મુજબﾠરાહત આપવા સંદર્ભ સત્‍વરે કાર્યવાહી કરવા રજુઆતમાં જણાવ્‍યું હતું.