Gujarati News

Gujarati News

News of Tuesday, 16th April 2019

ગ્રેટર ચેમ્બર દ્વારા છાશ-સરબત-શીતલજલ વિતરણ કેન્દ્રનો પ્રારંભ

રાજકોટઃ ગરમીના દિવસોમાં લોકોને ટાઢક થાય તે ઉદેશથી કમીશ્નરશ્રી બંછાનીધી પાની IAS દ્વારા સર્વે એન.જી.ઓ.ને છાશ તથા શીતજલ વિતરણ કેન્દ્ર શરૂ કરવા અપીલ કરવામાં આવતા ગ્રેટર રાજકોટ ચેમ્બર ઓફ કોમર્સ એન્ડ ઇન્ડસ્ટ્રીઝના ડાયરેકટરોના સ્વૈચ્છીક ફંડ દ્વારા છાશ તથા પાણી વિતરણ તેમજ હાઇબોન્ડ સીમેન્ટના ડાયરેકટર મનસુખભાઇ પાણના સહયોગથી વરીયાળી સરબત વિતરણ કેન્દ્ર ભકિતનગર સ્ટેશન મેઇન રોડ પર રમેશભાઇ પટેલ (પટેલ બ્રાસ પ્રા.લી.) મનસુખભાઇ પાણ (હાઇબોન્ડ સીમેન્ટ પ્રા.લી), નારણભાઇ પટેલ (ઇન્ડિયા બ્રાસ વર્કસ)ના પ્રમુખ સ્થાને કમીશ્નરશ્રી બંછાનીધી પાની દ્વારા દિપ પ્રાગટય કરી વિતરણ શરૂ કરવામાં આવેલ છે. ઉપસ્થિત સર્વેશ્રી બંછાનીધી પાનીનું ગ્રેટર ચેમ્બરના ઉપપ્રમુખે કાંતીભાઇ જાવીયા તથા રાજીવભાઇ દોશી, રમેશભાઇ પટેલનું ગ્રેટર ચેમ્બરના ઇન્ચાર્જ ઇશ્વરભાઇ બ્રાંભોલીયા તથા અજીતસિંહ જાડેજા, મનસુખભાઇ પાણનું ગ્રેટર ચેમ્બરના સુરેશભાઇ દ્વિવેદી તથા રમેશભાઇ ઝાલાવડીયા તેમજ નારણભાઇ પટેલનું હર્ષદભાઇ ખુંટ તથા ધીરૂભાઇ વાગડીયા દ્વારા પુષ્પગુચ્છ અર્પણ કરી સ્વીકારવામાં આવેલ. આ ઉદઘાટન પ્રસંગે તેમજ જુદી જુદી સંસ્થાઓ આગેવાનો તથા આ વિસ્તારના ઉદ્યોગપતિ સર્વશ્રી પરસોતમભાઇ ફળદુ (ફિલ્ડમાર્શલ તથા ગોવાણી કન્યા છાત્રાલય), રાજુભાઇ (ગોદરેજ શોરૂમના માલીક), જે.પી.અગ્રવાલ (હરીયાણા ગુજરાત રોડવેઝ) તેમજ અન્ય કારખાનેદાર ભાઇઓ ઉપસ્થિત રહેલ. કાર્યકમનું સંચાલન પ્રો.ડો.પનારાએ કરેલ. અંતમાં આભારવિધિ ગ્રેટર ચેમ્બરના ઉપપ્રમુખ રાજીવભાઇ દોશી દ્વારા કરવામાં આવેલ.

(3:59 pm IST)
  • કાલાવડ રોડ-મહિલા કોલેજ અંડરબ્રીજ પાસે સામાન્‍ય વરસાદમાં અનેક વાહન ચાલકો સ્‍લીપ થયાઃ એકને ઈજા : શહેરના કાલાવડ રોડ મહિલા કોલેજ બ્રીજ પાસે સામાન્‍ય વરસાદમાં રોડ ભીના થતા રોડ ઉપર અનેક વાહનચાલકો સ્‍લીપ થયા હતા. એક સ્‍કૂટર ચાલકને ઈજાગ્રસ્‍ત હાલતમાં ૧૦૮ એમ્‍બ્‍યુલન્‍સ મારફત હોસ્‍પીટલે પણ ખસેડવામાં આવેલ છે. access_time 4:34 pm IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • ભારતને તોડવા માંગતા હોત તો હિન્દુસ્તાનનું અસ્તિત્વ જ ન હોત: ફારુક અબ્દુલ્લા:પૂર્વ મુખ્યમંત્રીએ કહ્યું કે, વડાપ્રધાન મોદીએ યાદ રાખવું જોઇએ કે જ્યારે 1996માં રાજ્યમાં કોઇ ચૂંટણી નહોતું લડવા માંગતું તો તેમણે જ ઝંડો ઉઠાવ્યો હતો access_time 1:14 am IST