Gujarati News

Gujarati News

News of Monday, 15th April 2019

લોકોની સલામતી અને ટ્રાફીક સમસ્યાના સુચારૂ ઉકેલ માટેના કરોડોના આઇ-વે પ્રોજેકટ અંગે પ્રશ્નો ઉઠાવતા ગાયત્રીબા વાઘેલા

ઓનલાઇન ટેન્ડરની લીંક, ટેકનીકલ અને પ્રાઇઝ બીડ, કોન્ટ્રેકટ પેઢી હનીવેલ સાથેના એગ્રીમેન્ટ કોપી ૧૭ મુદે બંછાનીધિ પાનીને પત્ર લખી જવાબ માંગ્યો

રાજકોટ, તા. ૧પ : શહેરની સુરક્ષા માટે અત્યંત મહત્વપૂર્ણ એવા 'રાજકોટ-આઇ-વે પ્રોજેકટ'માં કોન્ટ્રાકટ અંગેની તમામ વિગતો માંગતો પત્ર પૂર્વ વિપક્ષી નેતા ગુજરાત પ્રદેશ મહિલા કોંગ્રેસના પ્રમુખ ગાયત્રીબા અશોકસિંહ વાઘેલાએ મ્યુ. કમિશનરને પાઠવતા ખળભળાટ મચી ગયો છે.

મ્યુ કમિશનર બંછાનિધી પાનીને પાઠવેલા આ પત્રમાં ગાયત્રીબાએ જણાવ્યું હતું કે, સ્માર્ટ સીટી અંતર્ગત શહેરમાં લોકોની સુરક્ષા-સલામતી-ટ્રાફીક સમસ્યા જેવા અનેક પ્રશ્નોના સુચારૂ ઉકેલ માટેકરોડો રૂપિયાના ખર્ચે શરૂ કરવામાં આવેલા એવોર્ડ વિજેતા આઇ-વે પ્રોજેકટની માહિતી તાત્કાલીક મળી રહે તે અંગે યોગ્ય કરવું.

જે મુદ્દા માહિતી મંગાઇ છે, તેમાં (૧) રાજકોટ આઇ-વે પ્રોજેકટનું ટેન્ડર કઇ વેબસાઇટ ઉપર મૂકવામાં આવેલ હતું તેની આખી વેબસાઇટની લીંક આપવા ?

(ર) રાજકોટ આઇ-વે પ્રોજેકટ માટે કોણ કન્સલ્ટન્ટ હતું અને તેનેકયાં અનુભવના આધારે કામ અપાયેલ ?

(૩) કન્સલ્ટન્ટના ચીફ ટેકનીકલ ઓફીસર અને સીઇઓ કોણ હતાં અને તેમનો અનુભવ શું હતો ?

(૪) કઇ કઇ કંપનીએ ટેન્ડર ભરેલહતું અને તેની ઓનલાઇન ભરેલ ટેકનીકલ તેમજ પ્રાઇસબીડની નકલ આપો.

(પ) કોન્ટ્રાકટર હનીવેલ  કંપની જોડેના એગ્રીમેન્ટની કોપી આપવા

(૬) હનીવેલ કંપનીએ અત્યાર સુધીમૂકેલ બીલની વિગતો .

(૭) બેદરકારી સબબ અત્યાર સુધીમાં હનીવેલને કેટલી પેનલ્ટી કરવામાં આવેલ છે અને કયાં કારણોસર ?

(૮) અત્યાર સુધીમાં કેટલીવાર સી.સી. ટીવી કેમેરા બંધ થયા ? કેટલીવાર કેમેરા/બીજી કઇ આઇટમ રીપ્લેસ થયા ?

(૯) અત્યાર સુધીમાં કેટલીવાર સેન્ટર બંધ થયા ?

(૧૦) અએનપીઆર કેમેરાની એકયુરસી શું છે લ્

(૧૧) બધા સર્ટીફીકેટની નકલ આપો.

(૧ર) કેમેરાની ગુણવત્તાની ચકાસણી કેવી રીતે કરવામાં આવી છે ?

(૧૪) રાજકોટ આઇ-વે પ્રોજેકટ અને કેમેરા માટેની તમામ પ્રેસનોટની નકલ રજૂ કરવી.

પ્રોજેકટના બંન્ને તબક્કાની મુદત કેટલી?

(૧પ) આઇ-વે પ્રોજેકટ માટે કન્સ્લટન્સી સીવીસીની ગાઇડ લાઇન પ્રમાણે દેવામાં આવ્યું છે કેમ ? (૧૬) કન્સ્લટન્સી આપવા માટે કયાં ટેન્ડર કરવામાં આવ્યું હતું અને તેનો પ્રકાર ?

(૧૭) આઇ-વે પ્રોજેકટના સીટીઓ  મહેશ ગોહેલ અને આરએમસીના આ પ્રોજકેટના ઇન્ચાર્જ શ્રી સંજય એમ. ગોહેલ (ઇડીપી) અને આર.એમ.સી.ના કમલેશ ગોહેલ વગેરે વચ્ચે કોઇ ફેમીલી સબંધ (બ્લડ રીલેશન) ખરા ?

આમ ઉપરોકત ૧૮ ૧૮ જેટલા મુદાઓની માહિતી ગાયત્રીબાએ મ્યુ. કમિશનર પાસે માંગતા ખળભળાટ મચી ગયો છે. (૮.૧૪)

(3:36 pm IST)
  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST