Gujarati News

રાજકોટઃ કોઠારીયા ગામ પાસે બકાલા માર્કેટમા  ૧૦૦ ના દરની ચલણી નોટોની ખોટી નોટો વટાવવા આવેલા બે શખ્સોને આજીડેમ પોલીસે પકડી લીધા છે.

મળતી વિગત મુજબ આજીડેમ પોલીસ મથકના પીઆઇ એ.એસ.ચાવડાની સૂચનાથી પીએસઆઇ જી.એન. વાઘેલા સહિત પેટ્રોલીંગમા હતા ત્યારે કોઠારીયા ગામ પાસે આવેલી બકાલા માર્કેટમા ૧૦૦ દરની ખોટી ચલણી નોટો વટાવવ આવેલા ધોરાજીના-ઝાંઝમેરના અજયસિંહ જીતેન્દ્રસિંહ મકવાણા(ઉ.ર૩) અને જેતપુરના નમ્રતા પાર્કમાં રહેતા રાજરામ કૃપાલભાઇ જયસ્વાલ (ઉ.ર૩) ને પકડી લઇ રૂ.૧૦૦ ના દરની પ૪૦ ખોટી ચલણી નોટો  અને મોબાઇલ સહીતની મત્તા કબજે કરી હતી જયારે ધોરાજીનો કપિલ ઉર્ફે ટીનો બાવાજી નાસી જતા તેની શોધખોળ હાથ ધરી હતી.