Gujarati News

Gujarati News

News of Thursday, 13th September 2018

ડેમી-૩ ડેમમાં પાણી નર્મદાનું પાણી આપો

આ ડેમ ખાલીખમ છે, પાણી મળે તો સુકાતા મોલને જીવતદાન મળી શકેઃ દેવાયતભાઈ આહીર

રાજકોટ,તા.૧૩: પ્રદેશ કોંગ્રેસના ઉપપ્રમુખ  શ્રી દેવાયતભાઈ આહીરે એક યાદીમાં જણાવ્યું છે કે હાલ પ્રવર્તમાન સ્થીતી જોતા આ વર્ષ વરસાદ નહીવત એટલે કે ૩ થી ૪ ઈંચ આખા ચોમાસા દરમ્યાન થયેલ છે. જેના કારણે વાવણી થયેલ છે અને હાલ જો ડેમી-૩માં પાણી છોડવામાં આવે તો સુકાતી મોલાત- કપાસ, મગફળીના પાકને જીવતદાન મળી શકે તેમ છે અને પીવા માટે પાણીની જે વિકટ સમસ્યા પણ હલ થઈ શકે તેમ છે.

વધુમાં ડેમી-૩ સિંચાઈ યોજના હેઠળ- ચાંચાપર, ખાનપર, ગજડી, કોયલી વગેરે ગામોને સિંચાઈમાં ફાયદો થઈ શકે તેમ છે અને ભૂતળમાં પાણી ઉતરી અને તળોથી પાણી સંગ્રહથી ફાયદો થઈ શકે તેમ છે. આ બાબતે સરકારશ્રી વિહીન ગતીએ આ બાબત ધ્યાને દોરે- કારણકે જો આમા મોડુ થશે તો પીંગળના કહ્યા મુજબ 'સુકાણા મોલ આ સૃષ્ટીના પછી વૃષ્ટી થયા તો શું'? જેવી સ્થિતિ સર્જાય તેમ છે.

ચાલુ વર્ષ ડેમી- ૩ ખાલીખમ પડેલ છે તે કોઈના ધ્યાને નથી આવતું. આ બાબતે સરકાર તથા અધિકારીશ્રીઓ ધ્યાન દોરે અને પ્રજાને તથા ખેડૂતોને ન્યાય આપે. વધુમાં ડેમી-૨માંથી ડેમી- ૩માં પાણી જાય છે.

ઉપરોકત તમામ બાબતે ધ્યાને લઈને વહેલામાં વહેલી તકે ડેમી-૩માં પાણી છોડવામાં આવે તેવી સિંચાઈ વિભાગ તથા સરકારશ્રીને શ્રી દેવાયતભાઈ આહીરે (મો.૯૮૭૯૨ ૫૮૫૩૫) લેખિતમાં રજુઆત કરી છે.

(4:03 pm IST)
  • ગુજરાતના મંત્રી વિભાવરીબેન દવેના પતિ વિજયભાઈ ઉપેન્દ્રભાઈ દવેનું આજ રોજ તારીખ 13/9/2018ના સાંજે દુઃખદ અવસાન થયેલ છે:તેમના અંતિમ વિધિ તારીખ 14/9/2018 ના રોજ સવારે 9.00 કલાકે ભાવનગર ખાતેના નિવાસ સ્થાને રાખેલ છે access_time 11:28 pm IST

  • દ્વારકા:મીઠાપુરના દરિયાઇ વિસ્તારમાં દીપડાએ દેખા દીધી:ગાયોના મારણ કરાયાનું પણ સામે આવ્યું:દીપડાના પગના નિશાનો પણ દેખાયા:ટાટા કેમિકલ્સ દ્વારા નોટિસ પણ લાગડાઈ access_time 11:49 pm IST

  • અમદાવાદ :એસ જી હાઇવે પર દૂધ ઢોળવાનો કેસ:સોલા પોલીસે કોગ્રેસના ધારાસભ્ય અલ્પેશ ઠાકોરને નોટિસ ફટકારી :આ કેસમાં અલ્પેશ ઠાકોરની કથિત સંડોવણીને લઈને આપવામાં આવી નોટીસ access_time 12:45 am IST