Gujarati News

Gujarati News

News of Monday, 11th January 2021

આ... વળી... નવું

કચરો ઉઘરાવનારા મકાન વેરાની ઉઘરાણી કરશે !

૫ હજારથી વધુનો વેરો બાકી હોય તેવા મકાન ધણીને ટીપરવાન (કચરાગાડી)નો સ્ટાફ નોટીસ આપશે

રાજકોટ તા. ૧૧ : મહાનગરપાલિકા દ્વારા હવેથી મકાન વેરાની ઉઘરાણી ટેકસ ઇન્સ્પેકટરને બદલે ટીપરવાનનો સ્ટાફ એટલે કે ઘરે-ઘરેથી કચરો એકત્રીત કરનાર કર્મચારી મારફત કરાવવા નિર્ણય લેવાયો છે.

આ અંગે મ્યુ. કમિશનર ઉદિત અગ્રવાલે જણાવ્યું હતું કે, આ વર્ષે કોરોના કાળને લીધે વેરાના બાકીદારો સામે અતિકડક પગલા જેવા કે હરરાજી, નળ કનેકશન કપાત જેવી કાર્યવાહી કરવાના બદલે જે લોકોનો રૂ. ૫ હજારથી વધુનો વેરો બાકી છે તેવા લોકોને નોટીસ આપવાની કામગીરી થશે. કમિશનરશ્રીએ જણાવેલ કે, આ નોટીસ આપવાની કામગીરી આ વખતે ટેકસ ઇન્સ્પેકટરોને બદલે ટીપરવાનના કર્મચારીઓને સોંપવામાં આવશે. શ્રી અગ્રવાલે જણાવેલ કે, રૂ. ૫ હજારથી વધુ રકમના બાકીદારોનું વોર્ડ વાઇઝ તેમજ વિસ્તારવાઇઝ લીસ્ટ બનાવી અને ટીપરવાનના સંચાલકોને સોંપી દેવાશે. આ લીસ્ટ મુજબ ટીપરવાનના સંચાલકો ઘરે-ઘરે કચરો ઉઘરાવવા જાય ત્યારે જ બાકીદારને વેરાની માંગણા નોટીસ આપી દેશે. આમ હવે મકાન વેરાની ઉઘરાણી પણ ટીપરવાનના સ્ટાફને સોંપવાનો નવીનતમ પ્રયોગ આ વખતથી મ્યુ. કમિશનરે શરૂ કર્યો છે. નોંધનિય છે કે, વર્ષોથી આ નોટીસો પોસ્ટ વિભાગ મારફત મોકલવાની પ્રથા હતી.

(4:47 pm IST)
  • વેકસીન સેન્ટરો ઉપર ખાસ ત્રણ રૂમોની વ્યવસ્થા : ૧૬ તારીખથી કોરોના વેકસીન અપાયા પછી કેટલોક સમય લોકોને નિરીક્ષણમાં રાખવામાં આવશે : તત્કાળ સારવારની સુવિધા : કોઇ સમસ્યા થશે તો તાત્કાલિક સારવાર અપાશે : વેકિસન સેન્ટર પર ત્રણ રૂમ તૈયાર કરાયા છે, વેઇટીંગ રૂમ, વેકિસન અને ઓબ્ઝર્વેશન રૂમ હશે : કોરોનાની વેકિસનેશનને લઇને મુખ્યમંત્રી વિજયભાઇ રૂપાણીની મહત્વની જાહેરાત access_time 11:46 am IST

  • મુખ્યમંત્રી વિજયભાઈ રૂપાણીના હસ્તે માંડવી તાલુકાના સઠવાવ ખાતે 'કાકરાપાર-ગોરધા-વડ ઉદ્દવહન પાઇપલાઇન યોજના'નુ કરાયુ લોકાર્પણ સંપન્ન : રૂ.૫૭૦ કરોડના ખર્ચે સાકાર થયેલી યોજનાથી માંડવી અને માંગરોળ તાલુકાના કુલ ૮૯ ગામોના ૪૯,૫૦૦ એકર વિસ્તારને સિંચાઈનો લાભ મળશે : ૩ મધ્યમ ડેમ, ૨ મોટા તળાવો, ૬ કોતરો અને ૩૦ ચેકડેમોમાં પાણી સંગ્રહ થશે. માંડવી અને માંગરોળ તાલુકાના ૨૯૦૦૦ આદિજાતિ ખેડૂત પરિવારોમા ઉગશે સમૃદ્ઘિનો સૂરજ ઉગશે access_time 11:46 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,199 કેસ નોંધાયા :કુલ કેસની સંખ્યા 1,04,66,545 થઇ :એક્ટિવ કેસ 2,20,388 થયા: વધુ 15,263 દર્દીઓ સ્વસ્થ થતા કુલ 1,0 0 ,90,658 થયા :વધુ 136 લોકોના મોત સાથે કુલ મૃત્યુઆંક 1,51,184 થયો access_time 11:59 pm IST