Gujarati News

Gujarati News

News of Monday, 11th January 2021

વચગાળાના જામીન પર છુટી ફરાર રહી ચોરી કરીઃ બાલાગામના અરવિંદને ક્રાઇમ બ્રાંચે પકડ્યો

કેશોદના ચોરીના ગુનામાં કાચા કામના કેદી તરીકે જેલમાં હતો : શાપર વેરાવળમાં બંધ ઉભેલા ટ્રકમાંથી ફોન, પેનડ્રાઇવ, રોકડ, લુંગીની ચોરી કરી'તીઃ આજીડેમ ચોકડીથી પકડાયો

રાજકોટ તા. ૧૧ :.. કેશોદમાં ચોરીના ગુનામાં જુનાગઢની જેલમાંથી વચગાળાના જામીન પર છૂટયા બાદ ફરાર કાચા કેદીને ક્રાઇમ બ્રાંચની ટીમે આજી ડેમ ચોકડી પાસેથી પકડી લઇ શાપર વેરાવળમાં તેણે બંધ ટ્રકમાંથી પણ રોકડ અને મોબાઇલની ચોરી કર્યાની કબુલાત આપી હતી.

મળતી વિગત મુજબ શહેર પોલીસ કમિશનર શ્રી મનોજ અગ્રવાલ, જોઇન્ટ પોલીસ કમિશનર શ્રી ખુરશીદ અહેમદ, ડીસીપી પ્રવિણકુમાર મીણા, મનોહરસિંહ જાડેજા, એસીપી ડી. વી. બસીયાએ નાસતા -ફરતા આરોપીઓને પકડી પાડવા માટે સુચના આપતા ક્રાઇમ બ્રાંચના પીઆઇ વી. કે. ગઢવીના માર્ગદર્શન હેઠળ પીએસઆઇ પી. એમ. ધાખડા, હેડ કોન્સ. મયુરભાઇ પટેલ, અમીતભાઇ, વિરેન્દ્રસિંહ, કુલદીપસિંહ, નગીનભાઇ, સંજયભાઇ, પ્રદિપસિંહ સહિત પેટ્રોલીંગમાં હતાં. ત્યારે પ્રદીપસિંહ જાડેજા, અમીતભાઇ અગ્રાવત અને નગીનભાઇ ડાંગરને મળેલી બાતમીના આધારે કેશોદના બાલાગામના અરવિંદ અરજણભાઇ વાઢીયા (ઉ.ર૬) ને પકડી લીધો હતો. પોલીસે તેની પુછપરછ કરતા તે કેશોદ પોલીસ મથકના ચોરીના ગુનામાં જુનાગઢ જેલમાં હતો. તે વચગાળાના જામીન પર છૂટયા બાદ ફરાર થઇ ગયો હતો.

બાદ તેણે શાપર વેરાવળમાં ચાર દિવસ પહેલા એક ટ્રકમાંથી રોકડ, મોબાઇલ અને એક લૂંગીની ચોરી કર્યાની કબુલાત આપતા પોલીસે રૂ. ૧૪૪૦ રોકડ, મોબાઇલ ફોન, એક પેન ડ્રાઇવ તથા એક લૂંટી કબ્જે કરી તેને જુનાગઢ જેલમાં ધકેલી દીધો હતો. તે અગાઉ કેશોદમાં ચોરી, દારૂ અને રાજકોટના કુવાડવા વિસ્તારમાં મોબાઇલ ચોરીનાં ગુનામાં પણ પકડાઇ ચૂકયો છે.

(3:50 pm IST)
  • ત્રણ નવા કૃષિ કાનૂનના વિરોધમાં વધુ એક ખેડૂતે આત્મહત્યા કરી દિલ્હીની સરહદે દેખાવો કરી રહેલા કિસાનોને સમર્થન દેતા ચેન્નઈના પેરુમલ નામના ખેડૂતે આત્મહત્યા કરી છે. access_time 9:01 pm IST

  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST

  • મુખ્યમંત્રી વિજયભાઇ રૂપાણીની અધ્યક્ષતામાં બોડેલી ખાતે લોકાર્પણ અને ખાતમુહૂર્ત કાર્યક્રમ :મુખ્યમંત્રી વિજયભાઇ રૂપાણીના હસ્તે રૂ. ૬૧૩.૧૬ કરોડના વિવિધ પ્રકલ્પોનું લોકાર્પણ અને ખાતમુહૂર્ત access_time 11:46 am IST