Gujarati News

Gujarati News

News of Monday, 11th January 2021

સસ્તા અનાજના કૌભાંડકાર ૨૫ દુકાનદારો સામે સવારથી તપાસનો ધમધમાટ : સતત ૧૦ દિવસ સુધી તમામ કાર્ડ હોલ્ડરોના નિવેદન લેવાશે

જે દુકાનદારે માલ વેચી નાંખ્યો છે તે તમામ પાસેથી રકમ વસૂલવાના પણ આદેશો : DSOના માર્ગદર્શન હેઠળ ઇન્સ્પેકટરો પરસાણીયા - ઝાલા અને ટીમો દ્વારા અંકોડા મેળવવાનું શરૂ

રાજકોટ તા. ૧૧ : અમદાવાદ સાયબર ક્રાઇમે ઝડપી લીધેલા રાજ્યવ્યાપી બોગસ ફીંગર પ્રિન્ટ કૌભાંડ અને તેમાં રાજકોટ અને જેતપુર તાલુકાના સસ્તા અનાજના ૨૫ દુકાનદારોની સંડોવણી સાબીત થતા DSO પૂજા બાવડા દ્વારા આ તમામના લાયસન્સ ૯૦ દિ' માટે સસ્પેન્ડ કરી નખાયા અને ત્યારબાદ કલેકટરની સૂચનાથી પુરવઠા અધિકારી દ્વારા ૨૫ જેટલી ટીમો બનાવી દરેક સંડોવાયેલ દુકાનદારને ત્યાં આજે સવારથી તપાસનો ધમધમાટ શરૂ થયો છે.

DSO શ્રી પૂજા બાવડાના માર્ગદર્શન હેઠળ ઇન્સ્પેકટરો શ્રી હસમુખ પરસાણીયા, કિરીટસિંઞ ઝાલા, અન્ય નાયબ મામલતદારો, મહેસૂલ તલાટીઓની ટીમે તેમને સોંપાયેલ દુકાનો ઉપર સવારથી તપાસ શરૂ કરી છે, વિગતો મુજબ એપ્રિલ-૨૦૧૯થી ડિસેમ્બર ૨૦૧૯ સુધીમાં આ દુકાનદારે કાર્ડ હોલ્ડરોને માલ આપ્યો હતો કે કેમ, કયા મહિનામાં કેટલો માલ આપ્યો, ઓછો આપ્યો કે પછી બરોબર તથા બારોબાર કેટલા ઘઉં - ચોખા સહિતની વસ્તુઓ વેચી નાંખી તે તમામ બાબતો તપાસવાનું શરૂ થયું છે.

પૂરવઠાના સૂત્રોએ ઉમેર્યું હતું કે, તમામ ૨૫ દુકાનો ઉપર ૧૦૦ ટકા કાર્ડ હોલ્ડરોના નિવેદન લેવાશે, સતત ૧૦ દિવસ દુકાનો ઉપર ટીમોનો સવારથી સાંજ સુધી પડાવ રહેશે, તેમજ જે દુકાનદારે માલ બારોબાર વેચી નાંખ્યાનું ખુલશે તેમની સામે સીઝર તથા વેચી નખાયેલ માલ અંગે રોકડ સ્વરૂપે વસૂલાત કરવા પણ આદેશો થયા છે.

જેમને તપાસ સોંપાઇ તેમાં નાયબ મામલતદારો - ઇન્સ્પેકટરો - ઝોન ઓફિસરો - તલાટીઓમાં સર્વશ્રી શૈલેષ હાંસલીયા, એમ.વી.ડઢાણીયા, એચ.ડી.પરસાણીયા, ડી.એમ.ઝાલા, આર.વી.ગોહિલ, વી.બી.ગઢવી, વિજયસિંહ ચુડાસમા, ડો. તેજ બાણુગારીયા, એ.ડી.મોરી, એસ.સી.માનસાતા, આર.આઇ.ઉપાધ્યાય, આર.વી.મઢા, એસ.આર.ગીણોયા, આર.એમ.વાજા, એચ.બી.મકવાણા, યોગીરાજસિંહ ગોહિલ, એ.જે.જાદવ, હરેશભાઇ ગોહેલ, અંકિત શેખડા, નિશાબેન લાખાણી, રાધીકા બુહા, એચ.પી.કોરાટ, સોનલ મેઘાણી, દિવ્યેશ ઠુંમરનો સમાવેશ થાય છે. તમામ ટીમોને જે તે મામલતદાર કચેરીમાંથી રેશનકાર્ડ ધારકોનું લીસ્ટ મેળવવા, રાજનકાર્ડ ધારકોને પ્રમાણ મુજબ જથ્થો મળેલ છે કે તેની ખરાઇ કરવા, આધાર કાર્ડ સીડીંગની સભ્યવાર ખરાઇ કરવા, એનએફએસએની પાત્રતા ધરાવે છે કે કેમ તે ખરાઇ કરવા સહિતના એક ડઝન મુદ્દા અંગે તપાસ કરવા આદેશો કરાયા છે.

(3:48 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST

  • ગુજરાતમાં બર્ડ ફ્લૂની એન્ટ્રી થતા તંત્ર અલર્ટઃ કાંકરિયા પ્રાણી સંગ્રહાલયમાં પક્ષી વિભાગને બર્ડ ફ્લૂની સંભિવત અસરને જોતા બંધ કરવાનો નિર્ણય લેવાયો, કાંકરિયા પક્ષી વિભાગમાં 1200થી વધુ પક્ષીઓ ઉપસ્થિત access_time 4:49 pm IST