Gujarati News

Gujarati News

News of Friday, 8th November 2019

રાજકોટ જીલ્લામાં ખેતીના પાકને ભયાનક નુકશાન : કલેકટર પાસે 'વળતર' માટે રર હજાર અરજીના ઢગલા

કમોસમી પડેલા વરસાદે પાક સાફ કરી નાંખ્યો : વિમા કંપની-ખેતીવાડી અધિકારીને સાથે રાખી તાલુકાવાઇઝ સર્વે શરૂ

રાજકોટ, તા. ૭ : રાજકોટ જીલ્લા કલેકટરશ્રી રેમ્યા મોહને ઉમેર્યું હતું કે, કમોસમી પડેલા તબક્કાવાર વરસાદ અંગે ખેતીના પાકને કુલ સચોટ કેટલુ નુકશાન થયું છે તેનો સર્વે શરૂ કરી દેવાયો છે અને ૮ દિ'માં રીપોર્ટ આપવા પણ ડીડીઓને જણાવ્યું છે.

અત્રે એ નોંધનીય છે કે રાજકોટ જીલ્લામાં પડેલા ભારે વરસાદને કારણે ખેતીના વિવિધ પાકોને ભયાનક નુકશાન થયું, કારણ કે વળતર માટે આજ સુધીમાં કલેકટર તંત્ર સમક્ષ રર હજાર અરજીના ઢગલા થયા છે.

કલેકટરે ઉમેર્યું હતું કે રર હજાર અરજી આવી છે, આથી વિમા કંપનીના અધિકારી, ખેતીવાડી ખાતાના અધિકારી, જીલ્લા વિકાસ અધિકારીના પ્રતિનિધિ સાથે રહીને તાલુકા વાઇઝ સર્વે કરી રહ્યા છે, તાલુકા વાઇઝ બાયફરકેશન નુકશાન અંગે હવે થશે. ખેડૂતોના કલેઇમ અંગે તેમણે જણાવેલ કે એક અઠવાડિયામાં રીપોર્ટ આવ્યા બાદ વધુ કરી શકાશે.

છેલ્લા ર દિ'માં મહા વાવાઝોડાને કારણે પડેલા વરસાદથી થયેલ નુકશાનને પણ આમાં આવરી લેવાશે કે કેમ તે અંગે કલેકટરે જણાવ્યું હતું કે, એ ટેકનીકલ બાબત છે, તે પણ જોઇ લેવાશે.

(11:47 am IST)
  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST