Gujarati News

Gujarati News

News of Saturday, 9th June 2018

ભારતનગર પી.પી.પી. આવાસ યોજનાથી ટી.પી. સ્કીમના રસ્તાઓ બંધઃ કલેકટરને રજુઆત

રસ્તાઓ ખુલ્લા કરી દેવા મવડીની શ્યામલ કુંજ સોસાયટીના રહેવાસીઓએ આવેદન પાઠવ્યું

રાજકોટ તા.૯: મ્યુ. કોર્પોરેશનની ભારત નગર પી.પી.પી. આવાસ યોજના ને કારણે ટી.પી. સ્કીમના રસ્તાઓ બંધ થઇ ગયા હોય તેને ખોલી આપવા બાબતે મવડીમાં આવેલ શ્યામલકુંજ સોસાયટીનાં રહેવાસીઓ દ્વારા જીલ્લા કલેકટર ને રજુઆત કરવામાં આવી હતી.

આ અંગે રહેવાસીઓએ કલેકટરને પાઠવેલ આવેદનમાં જણાવાયું છે કે, પેન્ટાગોન સ્પીડવેલ પાર્ટી પ્લોટ બાજુમાંથી હયાત રસ્તો મળવા પાત્ર છે. પટેલ સમામાં જવા-આવવા માટે આ રસ્તો પ્લાન પાસમુજબ અનુકુળ છે તથા નવા રીંગ રોડ પર જવા અમે લોકોને આ રસ્તો શાનુકુળ પડે. તો સાહેબશ્રીને નમ્ર અરજ છે તો આ રસ્તામાં પીપીપી ભારતનગરમાં આવી જતા અમારા રસ્તાઓ બંધ કરી દીધેલ છે.

બે રસ્તા સુચિત એક રસ્તો પ્લાન પાસ મુજબના હતા પરંતુ આ સ્કીમ આવતા બધા રસ્તાઓ બંધ કરી દીધેલ છે અને કાયદેસર આવવા- જવા માટે પ્લાન મુજબનું અમને રસ્તો ખોલી આપવા તાત્કાલીક વિનંતી છે. (૧.૧૦)

(4:27 pm IST)
  • શિવસેનાએ ભાજપનુ નાક દબાવ્યું: વિધાનસભાની ર૮૮ બેઠકોમાંથી ૧પર બેઠકો માંગીઃ ભાજપને ૧૩૬ બેઠકોની ઓફરઃ સીએમ પણ ઉધ્ધવ પોતાના પક્ષના ઇચ્છે છે જો કે ભાજપ ૧૩૦ થી વધુ બેઠક આપવાના મુડમાં નથી. access_time 3:49 pm IST

  • અમદાવાદમાં કાલથી હળવા વરસાદની આગાહી: અમદાવાદવાસીઓ પણ અસહય બફારા ઉકળાટથી ત્રસ્ત છેઃ ત્યારે તેઓ માટે થોડા રાહતના સમાચાર છેઃ આવતીકાલથી અમદાવાદમાં હળવા વરસાદની હવામાન ખાતાએ આગાહી કરી છે access_time 11:27 am IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST