Gujarati News

Gujarati News

News of Saturday, 9th June 2018

ડીફેન્સ અને સનરાઇઝ ગ્રુપ દ્વારા કાલે સર્વરોગ નિદાન કેમ્પ

રાજકોટ તા. ૯ : ડીફેન્સ ગ્રુપ અને સનરાઇઝ ગ્રુપ દ્વારા સતત ત્રીજી વખત નિઃશુલ્ક સર્વરોગ નિદાન કેમ્પનું આયોજન કરાયુ છે.

સુર્યમુખી બાલાજી મંદિર પાસે, કેવડાવાડી ૧૧/૧૭ નો ખુણો, શાળા નં. ૫૧ ખાતે કાલે રવિવારે સવારે ૯ થી ૧ વાગ્યા સુધી યોજાયેલ આ કેમ્પમાં જનરલ ફીઝીશીયન ડો. નિલેશ ખાનપરા, સ્ત્રીરોગ નિષ્ણાંત ડો. જીમિત છત્રાલા, સાંધાના રોગોના નિષ્ણાંત ડો. હિરેન આકોલા, દાંતના રોગોના નિષ્ણાંત ડો. દિયા ડોબરીયા સેવા આપશે.

સ્થળ પર ઉભા કરાયેલ મેડીકલ સ્ટોરમાંથી દવાઓ પણ એક સપ્તાહ સુધીની વિનામુલ્યે અપાશે. તેમજ કેમ્પ પછી પણ જે તે તબીબની એક વિઝીટ વિનામુલ્યે કરાવી અપાશે.

સર્વરોગ નિદાન કેમ્પનું સ્થળ ઉપર જ રજીસ્ટ્રેશન સવારે ૮.૩૦ ની ૧૦.૩૦ કરાશે. જરૃરતમંદ દર્દીઓએ લાભ લેવા તેમજ વધુ વિગત માટે ચતુરભાઇ પ્રજાપતિ (મો.૮૦૦૦૦ ૭૭૭૦૦), ધાર્મિકભાઇ ખેર (મો.૯૧૫૭૯ ૦૨૭૯૬)નો સપર્ક કરવા અનુરોધ કરાયો છે.

તસ્વીરમાં કેમ્પ અંગેની વિગતો વર્ણવતા ગોપાલ અનડકટ, ચતુરસિંહ પ્રજાપતિ, માણસુરભાઇ વાળા, રણજીતભાઇ મુંધવા, ધાર્મિકભાઇ ખેર, મયંકભાઇ ફીચડીયા, વિકીભાઇ ખેર નજરે પડે છે. (તસ્વીર : સંદીપ બગથરીયા)

(4:00 pm IST)
  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST

  • એક સેટમાં પાછળ રહ્યાં બાદ રોમાનિયાની સિમોના હાલેપે શાનદાર કમબેક કરતા સ્લોએને સ્ટીફન્સને ફ્રેન્ચ ઑપનની ફાઈનલમાં હરાવી પહેલું ગ્રાન્ડસ્લેમ પોતાના નામે કર્યું. દુનિયાની નંબર 1 ખેલાડી હાલેપે બે કલાક અને ત્રણ મિનિટ ચાલેલી આ મેચમાં 3-6, 6-4, 6-1થી જીત મેળવી. અગાઉ હાલેપ ત્રણ ગ્રાન્ડસ્લેમ ફાઈનલમાં હારી ચૂકી છે જેમાં બે વખત રોલેન્ડ ગેરો પર મળેલી હાર પણ શામેલ છે. access_time 2:38 am IST