Gujarati News

Gujarati News

News of Friday, 8th June 2018

કે. ટી. ચિલ્ડ્રન હોસ્પિટલમાં જીવીત બાળકીને મૃત જાહેર કરી દેવાઇ!

ગોંડલ પોલીસને જાણ કરી દેવાયા પછી ખબર પડી કે બાળકી જીવીત છેઃ બીજી એક બાળકીનું મોત થયું હોઇ તબિબથી ભુલ થઇ ગઇ

રાજકોટ તા. ૮: સિવિલ હોસ્પિટલની કે. ટી. ચિલ્ડ્રન હોસ્પિટલમાં તબિબે ભુલથી જીવીત બાળકીને મૃત જાહેર કરી દેતાં પોલીસ ધંધે લાગી હતી. હકિકતે બીજી એક બાળકીનું મોત થયું હતું તેના બદલે આ બાળકીને મૃત જાહેર કરી દેવામાં આવી હતી. આ અંગે હોસ્પિટલ ચોકી મારફત ગોંડલ તાલુકા પોલીસને જાણ પણ કરી દેવામાં આવી હતી. જો કે બાદમાં એન્ટ્રી  કેન્સલ કરાવાઇ હતી.

ગોંડલના ખડવંથલીથી રીનાબેન રાઠવાની ૧ દિવસની વયની બાળકીને ગઇકાલે બેભાન હાલતમાં કોલીથડ હોસ્પિટલમાં અને ત્યાંથી રાજકોટ કે. ટી. ચિલ્ડ્રન હોસ્પિટલમાં ખસેડાઇ હતી. અહિના તબિબે બાળકીને મુકીને તેના સગા જતાં રહ્યાની અને બાળકી મૃત્યુ પામ્યાની જાણ પોલીસ ચોકીમાં કરતાં તે મુજબની નોંધ ગોંડલ તાલુકા પોલીસને કરાવાઇ હતી. જો કે બાદમાં આ બાળકી જીવીત હોવાની જાણ કરવામાં આવતાં પોલીસ ચોકીનો સ્ટાફ ચોંકી ગયો હતો. તબિબે બાદમાં આ અંગે લેખિતમાં જાણ કરતાં ગોંડલ પોલીસને નોંધ કરાવાઇ હતી.

હકિકતે કાગદડીના કિશોરભાઇ પટેલની વાડીમાં રહેતાં નાનજીભાઇ પરમારની ૧ દિવસની વયની દિકરી બિમારીથી મૃત્યુ પામી હોઇ અને તેના બદલે તબિબે ભુલથી ખડવંથલીથી લાવવામાં આવેલી બાળકીને મૃત જાહેર કરી દીધી હતી. તબિબની આ ભુલથી પોલીસને ધંધે લાગવું પડ્યું હતું.

(11:39 am IST)
  • આગ્રા હાઇવે ઉપર ટ્રક અને મીની બસ વચ્ચે ગમખ્વાર અકસ્માત : ૧૦ના મોતઃ ૧૨ને ગંભીર ઇજા access_time 4:05 pm IST

  • કર્ણાટક કેબિનેટઃ કોંગ્રેસના અસંતુષ્ટો ભાજપ સાથે હાથ મિલાવે તેવી શકયતાઃ પક્ષ છોડવા કેટલાકે મન બનાવ્યુઃ વાતચીત શરૃઃ મંત્રી નહિ બનાવતા અનેક કોંગી ધારાસભ્યો નારાજ છે access_time 11:24 am IST

  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST