Gujarati News

Gujarati News

News of Saturday, 7th July 2018

પશુ નિભાવ માટે સબસીડી આપવા મુખ્યમંત્રીને રજુઆત

પાંજરાપોળ અને ગૌશાળાઓમાં પશુઓની સંખ્યા દિનપ્રતિદિન વધતી જાય છે. આવી ગૌશાળા અને પોળો સરકાર, પશુપાલકો અને સ્વૈચ્છીક દાતાઓની જીવદયાની ભાવનાથી કાર્યરત હોય છ.ે ત્યારે અબોલ જીવોના નિભાવ માટે આર્થીક ખેંચ હલ કરવા સરકાર સબસીડી જાહેર કરે તેવી માંગણી  ઉપરાંત અન્ય સમસ્યાઓના ઉલ્લેખ સાથેનું એક આવેદનપત્ર જીવદયાપ્રેમીઓ દ્વારા ગાંધીનગર ખાતે મુખ્યમંત્રીને સુપ્રત કરાયુ છે. સમસ્ત મહાજનના ગીરીશભાઇ શાહના નેતૃત્વમાં ગુજરાતના ૩૩ જિલ્લાઓના પાંજરાપોળ-ગૌશાળાના પ્રતિનિધિની સમન્વય સમિતિની બેઠકમાં અનેક નિર્ણયો લેવાયા હતા. પાંજરાપોળો અને ગૌશાળાના સંચાલકો અનેક સમસ્યાઓનો સામનો કરી રહ્યા છે તેની વિગતો જાહેર કરાઇ હતી. આ રજુઆત સમયે એનીમલ વેલફેર બોર્ડના મિતલ ખેતાણી, એસ.પી.સી.એ.ના ચંદ્રકાન્તભાઇ શેઠ, એનીમલ વેલફેર બોર્ડના રાજેન્દ્રભાઇ શાહ, સમસ્ત મહાજનના રાજુભાઇ શાહ, જીવદયાપ્રેમીઓ રાજુભાઇ કેસ્ટ્રોલ, ડોલરભાઇ કોઠારી, ટી. આર. દોશી, અશોકભાઇ મોદી, મિલનભાઇ કોઠારી વગેરે ઉપસ્થિત રહ્યા હતા.

(4:24 pm IST)
  • નડિયાદ ડિવિઝન સ્કવોર્ડે બાતમીના આધારે, સંધાણા પાસેથી કારમાં લઇ જવાતા 300 લીટર દેશી દારૂ ના 10 પોટલાં સાથે એક મહિલા અને પુરુષને ઝડપી લીધા છે. access_time 8:12 pm IST

  • સુરેન્દ્રનગરમાં એ ડિવિઝનમાં ફરજ બજાવતા એએસઆઇ અને એક કોન્સ્ટેબલ રૂપિયા 10 હજારની લાંચ લેતા ACBએ રંગે હાથ ઝડપી પાડ્યા:બંનેએ પ્રોહિબિશનનો ગુનો દાખલ નહીં કરવા માટે લાંચ માગી હતી.:એસીબીના છટકામાં આબાદ સપડાયા access_time 1:32 am IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST