Gujarati News

Gujarati News

News of Friday, 7th June 2019

કુરીયરના નામે સોની વેપારી સાથે લાખોની ઠગાઇમાં ફરાર ત્રણ શખ્સો ઝડપાયા

પંકજ, અશોક અને મુકેશને કાલાવડ રોડ પરથી ક્રાઇમ બ્રાંચે દબોચ્યા

રાજકોટ, તા. ૭ : શહેરમાં આંગડીયા પેઢી તથા કુરીયરના નામે સોની વેપારીનો કોન્ટેકટ કરી લાખોની છેતરપીંડીના ગુનામાં ફરાર ત્રણ શખ્સોને ક્રાઇમ બ્રાંચે ઝડપી લીધા છે.

મળતી વિગત મુજબ શહેર પોલીસ કમિશનર મનોજ અગ્રવાલની  સુચનાથી ક્રાઇમ બ્રાંચના પીઆઇ એચ.એમ. ગઢવીના માર્ગદર્શન હેઠળ પીએસઆઇ ડી.પી. ઉનડકટ તથા હેડ કોન્સ. જગમાલભાઇ, ભરતભાઇ, સંતોષભાઇ, મયુરભાઇ, સંજયભાઇ, યુવરાજસિંહ, કુલદીપસિંહ, પ્રદીપસિંહ સહિત પેટ્રોલીંગમાં હતા ત્યારે સંતોષભાઇ, મયુરભાઇ તથા કુલદીપસિંહને મળેલી બાતમીના આધારે કાલાવડ રોડ ઇસ્કોન મંદિર પાછળથી પંકજ નટુભાઇ ધોરીયા (ઉ.૪૯) (રહે. રૂડાનગર-૩), અશોક ગણેશભાઇ જીવાણી (ઉ.૩૬) (રહે. મુંબઇ મહાડા કોલોની આર-૧૪ રૂમ નં. ૩૪ર), મૂળ પડવદર જી. ભાવનગર) અને મુકેશ પીઠાભાઇ સખીયા (ઉ.૪ર) (રહે. ૧પ૦ ફુટ રોડ શ્રીરામ પાર્ક શેરી નં.પ), ને પકડી લીધા હતાં. પકડાયેલ ત્રણેય શખ્સો આંગડીયા પેઢી અને કુરીયરના નામે સોની વેપારીનો કોન્ટેક કરી તેને વિશ્વાસમાં લઇ સોનાના દાગીનાના પાર્સલ લઇ લાખો રૂપિયાની છેતરપીંડી આચરી હતી. આ અંગે ફરીયાદ પણ નોંધાઇ હતી. સોની વેપારી સાથે છેતરપીંડીના ગુનામાં ત્રણેય શખ્સો નાસતા ફરતા હતાં.

(4:00 pm IST)
  • અમદાવાદના ખાનપુર ખાતે મહિલા કોંગ્રેસનો વિરોધ : ભાજપ ખાનપુર કાર્યાલય ખાતે મહિલા કોંગ્રેસે આવેદન પત્ર આપી અને બલરામ થાવાણીના રાજીનામાની કરી માંગ : બલરામ થાવાણીએ એક મહિલાને માર માર્યો હતો ત્યાર બાદ બંને પક્ષે સમાધાન થયેલ : આ બાબતે મહિલા કોંગ્રેસે આજે વિરોધ પ્રદર્શન કર્યુ હતું access_time 6:17 pm IST

  • વિપક્ષોને કળ વળી નથી ત્યાં ભાજપ ટૂંક સમયમાં દેશવ્યાપી સભ્યનોંધણી ઝૂંબેશ શરૂ કરશે : લોકસભામાં પ્રચંડ વિજય મેળવ્યાના પગલે હજુ કોંગ્રેસ અને વિપક્ષોને કળ વળે તે પહેલા આગામી મહિનાઓમાં જ ભારતીય જનતા પક્ષ રાષ્ટ્ર વ્યાપી સભ્યપદ ઝૂંબેશ શરૂ કરી રહ્યાનું જાણવા મળે છે access_time 1:08 pm IST

  • પંજાબ કોંગ્રેસમાં ડખ્ખોઃ સિધ્ધુની બગાવતઃ કેબિનેટની બેઠકમાં ન ગયાઃ મુખ્યમંત્રી અમરિન્દર ઉપર કર્યા પ્રહારો access_time 4:02 pm IST