Gujarati News

Gujarati News

News of Monday, 10th September 2018

''નવરાત્રિ ગરબા'': અમેરિકાના ન્યુ ઇંગ્લાંડ કનેકટીકટમાં રર સપ્ટેં.૨૦૧૮ના રોજ સૌપ્રથમવાર દમામભેર ઉજવાશે ભારતનો લોકપ્રિય તહેવારઃ વડોદરાના વિશ્વ વિખ્યાત સિંગર આચલ મહેતા તથા તેમની ટીમ ખેલૈયાઓને ગરબે ઘૂમાવશે

કનેકટીકટઃ અમેરિકાના કનેકટીકટ ન્યુ ઇંગ્લાંડમાં સૌપ્રથમવાર ભારતનો લોકપ્રિય તહેવાર નવરાત્રિ બહુ મોટા પાયે ઉજવવાનું આયોજન કરાયું છે.

વડોદરાના વિશ્વ વિખ્યાત ગરબા સિંગર સુશ્રી આચલ મહેતા તથા તેમના ગૃપના ઉપક્રમે આઠ હજાર લોકોની કેપેસીટી ધરાવતા ન્યુબ્રિટન ફુટબોલ સ્ટેડીયમ, ૨૩૦ જોહન કાર્બોનિક વે ન્યુ બ્રિટન કનેકટીકટ મુકામે ૨૨ સપ્ટેં.૨૦૧૮ શનિવારના રોજ આઉટ ડોર ગરબાનું આયોજન કરાયું છે. સાંજે ૬ વાગ્યાથી શરૂ થનારા આ ગરબાની રમઝટ મધ્યરાત્રિ સુધી ચાલશે. જેમાં સુશ્રી આચલ મહેતા તથા તેમની ટીમ ખેલૈયાઓને ગરબે ધૂમાવશે. તથા સહુને જાણે કે તેઓ ભારતમાં જ હોય તેવો અનુભવ કરાવશે.

રાસ ગરબાની રમઝટ માણવાની સાથે ઉપસ્થિતો આ મેદાનમાં ઊભા કરાવેલા વિવિધ બુથની મુલાકાતનો પણ લાભ લઇ શકશે. જેમાં સ્ટ્રીટ ફુડ, ડ્રેસીઝ શોપીંગ બુથ્સ, જવેલરી સહિતના બુથ્સનો સમાવેશ થશે.

તેથી સૌપ્રથમવાર ન્યુ ઇંગ્લાંડમાં ઉજવાનારા આ ગરબા મહોત્સવનો લાભ લેવા તમામને અનુરોધ કરાયો છે. જે માટે જનરલ પ્રવેશ ફી ૧૨ ડોલર રાખવામાં આવી છે. તથા ફ્રી પાર્કીગની સુવિધા કરવામાં આવી છે. આ ટિકિટ અગાઉથી મેળવી લેવાની રહેશે. સ્થળ ઉપર તેની કિંમત ૧૫ ડોલર થશે. આઇ.ડી.કાર્ડ સાથે આવેલા સ્ટુડન્ટસ માટે પ્રવેશ ફી ૧૦ ડોલર રાખવામાં આવી છે. તેમજ પરિવાર સાથે આવેલા પાંચ વર્ષથી ઓછી ઉમરના બાળકો માટે વિનામૂલ્યે પ્રવેશની વ્યવસ્થા કરાઇ છે.

ઓનલાઇન ટિકિટ મેળવવા માટે www.hungamacity.com/ navratrigarbact ૨૦૧૮ દ્વારા સંપર્ક સાધવા જણાવ્યું છે. બુથ રાખવા માટે સંપર્ક સાધવા જણાવાયું છે. વિશેષ માહિતિ માટે કોન્ટેક નં.૮૬૦ ૭૯૬ ૨૧૬૨ દ્વારા સંપર્ક સાધવા જણાવાયું છે.

(2:46 pm IST)
  • અમદાવાદમાં વેપારીનું અપહરણ- લૂંટ : ૧૦ લાખની ખંડણીની માંગ? : અમદાવાદના વસ્ત્રાપુરમાં વેપારીનું અપહરણ કરી બે શખ્સોએ લૂંટ ચલાવી હોવાનું જાણવા મળે છે : વેપારીએ મહિલાને લીફટ આપ્યા બાદ આ ઘટના બની હોવાનું બિનસત્તાવાર જાણવા મળે છે : અપહરણકારોએ રિવોલ્વરની અણીએ લૂંટ ચલાવી વેપારીને પણ ઉપાડી ગયા : ૧૦ લાખની ખંડણીની માંગ કરી છે. access_time 3:44 pm IST

  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST

  • પેટ્રોલ - ડિઝલના ભાવવધારા સામે છત્તીસગઢમાં કોંગ્રેસના ધારાસભ્યો - નેતાઓ બળદગાડા સાથે વિધાનસભા પહોંચ્યા : અનોખો વિરોધ - દેખાવ : પોલીસે રોકયા તો બેરીકેટ્સ હટાવી આગળ વધ્યા : કાર્યકરોની સાથે બળદગાડામાં ભોજન લીધુ access_time 3:44 pm IST