Gujarati News

હૈદરાબાદમાં એક મહિલા વેટરનરી ડોક્ટર સાથે ગેંગરેપ અને હત્યા બાદ લાશ સળગાવવાની ઘટનાને લઈને દેશમાં ભારે નારાજગી છે. શનિવારે લોકો રસ્તા પર ઉતર્યા હતા અને વિરોધ પ્રદર્શન કર્યું હતું. તે જ સમયે, આ ઘટનાના 72 કલાક પછી પોલીસ એક્શનમાં આવી હતી. એફઆઈઆર નોંધવાની ના પાડી ચૂકેલા પોલીસ અધિકારીઓ સામે કાર્યવાહી કરવામાં આવી છે.

   સાઈબરાબાદ કમિશનરે 3 પોલીસકર્મીઓને સસ્પેન્ડ કર્યા છે. જેમાં શમશાબાદ પોલીસ સ્ટેશનના એક અને રાજીવ ગાંધી એરપોર્ટ પોલીસ સ્ટેશનમાં ફરજ પર રહેલા અન્ય 2 કોન્સ્ટેબલોને સસ્પેન્ડ કરવામાં આવ્યા છે. આ પોલીસકર્મીઓને એફઆઈઆર લખવામાં વિલંબ માટે સસ્પેન્ડ કરવામાં આવ્યા છે.

પોલીસે જણાવ્યું કે લેડી ડોક્ટરના ગાયબ થવાને લગતા કેસ નોંધવામાં વિલંબ થયો હતો. તેની તપાસ દરમિયાન જાણવા મળ્યું કે 27-28 નવેમ્બરની મધ્યવર્તી રાત્રે આ પોલીસકર્મીઓએ કેસ નોંધવામાં મોડું કર્યું હતું. આ કારણોસર, શમશાબાદ પોલીસ સ્ટેશનના સબ ઈન્સપેક્ટર એમ. રવિ કુમાર અને રાજીવ ગાંધી એરપોર્ટ પોલીસ સ્ટેશનમાં ફરજ પર રહેલા કોન્સ્ટેબલ પી. વેણુ રેડ્ડી, એ. સત્યનારાયણને આગામી આદેશ સુધી સસ્પેન્ડ કરી દેવામાં આવ્યા છે.