Gujarati News

        જમ્‍મુના રામબન જિલ્લાના બનિહાલમાં શુક્રવારે સાંજના એક ઘરમાં રસોઇ નુ ગેસ સિલીન્‍ડર ફાટવાથી પરિવારના ચાર લોકોના ઘટના સ્‍થળ પર જ મોત થયા અને અન્‍ય ત્રણ ગંભીર રીતે ઘાયલ થયા. મૃતકોમાં એક મહિલા અને તેની ત્રણ પુત્રીઓનો સમાવેશ થાય છે.

        જાણકારી અનુસાર બનિહાલમાં દર્શનાદેવી રાતનુ જમવાનું બનાવવાની તૈયારીમાં લાગી હતી. ઘરના દર્શના દેવી એમની ત્રણ પુત્રીઓ અને તેમના એક સગા હાજર હતા. દર્શના દેવીના પતિ લગ્ન સમારંભમાં ભાગ લેવા બહાર ગયા હતા. સિલીન્‍ડર વિસ્‍ફોટ પછી આજુબાજુના સેંકડો લોકો ભેગા થઇ ગયા હતા.

        થોડા સમયમાં પોલીસ પણ ઘટના સ્‍થળે પહોંચી હતી. બધા ઘાયલોને નજીકની હોસ્‍પિટલમાં દાખલ કરવામાં આવ્‍યા હતા. ડોકટરોએ મહિલા અને તેની  ત્રણ પુત્રીઓને મૃત જાહેર કરેલ.  પોલીસે મામલો દાખલ કરી ઘટનાના કારણોની તપાસ શરૂ કરી છે.