Gujarati News

રાજકોટઃ સોના ચાંદીના ભાવમાં તોફાની તેજી જોવાઈ રહી છે સોનામાં ૯૦૦ રૂપિયાનો જંગી વધારો થતા ભાવ ૫૪ હજારને પાર પહોંચ્યો છે જયારે ચાંદીના ભાવે ૬૫ હજારની સપાટી કુદાવી છે જોકે વાયદા બજાર અને હાજર ભાવ વચ્ચે અંતર વધ્યું છે સોનામાં વાયદાથી હાજર ભાવ અંદાજે ૨ હજાર ઊંચા બોલાય છે જયારે ચાંદીમાં વાયદાની તુલનાએ ૩૦૦૦ની ડિસ્પેરિટી જોવાઈ રહી છે.

 સોનામાં આજે ઉઘડતામાં જ સોનામાં દસ ગ્રામે રૂ.૬૦૦ થી વધુ તથા ચાંદીમાં ૩૩૦૦ નો ભાવ વધારો થયો હતો.

કોમોડીટી એકસચેંજમાં સોનુ ૫૧૯૦૦ હતું ઉંચકાયું હતું. હાજરમાં ૫૪૦૦૦ ના માર્ગે હતું. ચાંદી ૩૦૦૦ થી વધુ ઉંચકાઈને ૬૪૬૦૦ ની નજીક હતી. બપોરે ૧ વાગ્યે આ લખાઈ છે ત્યારે એમસીએકસમાં સોનાનો ભાવ કરતા હાજર ભાવ ઊંચો બોળાઈને ૫૪ હજારની સપાટી કુદાવી ૫૪૦૭૦ ( બિલમાં ) સુધી પહોંચ્યો છે વગરમાં ૫૩૭૭૦ અને પાટલીના ભાવ ૫૩૬૦૦ જોવાય હતા.  બીજીતરફ ચાંદીમાં વાયદામાં ૬૬૪૭૦૦ની સપાટી જોવાઈ હતી જોકે બજારમાં હાજરભાવ ૬૨૩૦૦ સુધી જોવાઈ રહયો હતો.