Gujarati News

Gujarati News

News of Thursday, 24th September 2020

કોરોના મહામારી ખતમ થયા પછી પણ વર્ક ફ્રોમ હોમ કલ્ચર ચાલુ રહેશે : બિલ ગેટસ

ન્યુયોર્ક,તા. ૨૪: અબજોપતિ બિલ ગેટ્સનું કહેવું છે કે વર્ક ફ્રોમ હોમ કલ્ચર બહુ સારી રીતે ચાલી રહ્યું છે. અને ઘણી કંપનીઓ આ કલ્ચરને કોરોના વાયરસ મહામારી ખતમ થયા પછી પણ ચાલુ રાખશે. દુનિયાના વિભીન્ન ભાગોમાં કોવિડ-૧૯ના કારણે કડક લોકડાઉન છે. જેણે સંસ્થાઓને પોતાના કર્મચારીઓને ઘરેથી કામ કરવા દેવા માટે મજબૂર કરી છે. બિલ ગેટસ ઇકોનોમિક ટાઇમ્સ દ્વારા આયોજીત એક ઓનલાઇન બિઝનેસ સમિટમાં બોલી રહ્યા હતા.

તેમણે કહ્યું કે વર્ક કલ્ચર બહુ સારી રીતે ચાલી રહ્યું છે તે ચાલુ રહેશે. પણ કોરોના મહામારી ખતમ થયા પછી આપણે એ પણ વિચારવું પડશે કે આપણે કેટલા ટકા સમય ઓફીસમાં વિતાવીએ છીએ.

ગેટસ આ આખા વર્ષમાં કામ અંગે કયાંય નથી ગયા. તેમણે જણાવ્યું કે તેમને ઘણુ બધુ વધારાનું કરવા માટે સમય મળ્યો. ગેટસનું એમ પણ કહેવું છે કે જો કે વર્ક ફ્રોમ હોમ એટલું એંગેજીંગ નથી. રહ્યું.તેના માટે તેના સોફટવેરમાં ઘણો સુધારો કરવો પડશે. સોફટવેર એન્જીનીયરીંગ આશ્ચર્યજનક રીતે બહુ સારૂ કામ કર્યું છે. પણ જ્યારે બાળકો ઘેર હોય, ઘર નાના હોય અને કામ ઘણા હોય ત્યારે ઓફીસનું કામ કરવું અધરૃં બની જાય છે. મહિલાઓને તો ઘણી બધી વસ્તુઓ જોવાની હોય છે. એટલે કે વર્ક ફ્રોમ હોમની પોતાની કેટલીક કમીઓ પણ છે.

(11:33 am IST)
  • જમ્મુ કશ્મીર : બડગામના ચડોરા વિસ્તારમાં આતંકવાદીઓએ સીઆરપીએફ પાર્ટી પર હુમલો કર્યો : એક સીઆરપીએફ જવાન શહીદ : આતંકીઓ સીઆરપીએફ જવાનની સર્વિસ રાઇફિલ લઇને નાસી ગયા : આતંકીઓને શોધવા સેના દ્વારા સર્ચ ઓપરેશન શરૂ કરાયું access_time 9:47 am IST

  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • ભરૂચ નજીક ફરી એકવાર ટ્રાફિક જામની સ્થિતિ, બીસ્માર હાઇવેને પગલે ૧પ કિલો મીટર લાંબો ટ્રાફિક જામ : ઇમરજન્સી કામ માટે નીકળેલા અનેક વાહન ચાલકો ટ્રાફિક જામમાં અટવાયા, તંત્રના વાંકે સામાન્ય જનતાને અનેક પરેશાની access_time 4:03 pm IST