Gujarati News

Gujarati News

News of Tuesday, 23rd April 2019

લોધિપુરમાં પ્રિયંકા ગાંધીએ અચાનક કાફલો રોકાવ્યો :ભરબપોરે સાયકલ પર પ્રચાર કરતા કાર્યકરને મળ્યા

દુલહન જેમ સજાવેલ સાયકલમાં કોંગ્રેસના ઝંડા :પવનને કારણે સાયકલ પડી જતા પ્રિયંકાએ ઉઠાવવામાં મદદ પણ કરી

 

કોંગ્રેસ મહાસચિવ પ્રિયંકા ગાંધી ગૌરીગંજમાં કોંગ્રેસ કાર્યાલય પાસે એક કોંગ્રેસ કાર્યકર્તાને ભરબપોરે કોંગ્રેસનો પ્રચાર કરતો જોઈને ગાડી રોકાવી હતી. હાલમાં પ્રિયંકા ગાંધી માતા સોનિયા ગાંધી અને ભાઈ રાહુલ ગાંધી માટે પ્રચાર કરી રહી છે. પ્રિયંકાએ ભુયેમઉ ગેસ્ટહાઉસમાં કોંગ્રેસના કાર્યકરો સાથે બેઠક કર્યા બાદ બપોરે કાફલા સાથે અમેઠી માટે રવાના થયા હતા  ગૌરીગંજ જતા સમયે પ્રિયંકાનો કાફલો લોધીપુરમાં રસ્તામાં અચાનક ઉભો રહ્યો હતો.  અહીંયા પ્રિયંકાની મુલાકાત એક શખ્સ સાથે થઈ હતી.. અમેઠીમાં રહેતા એક વકીલ અહમદે પોતાની સાઈકલને દુલ્હનની જેમ સજાવી હતી. સાઈકલમાં ચારેય તરફ કોંગ્રેસનાં ઝંડા લગાવેલાં હતા.  

    પ્રિયંકાએ રસ્તા પર શખ્સ સાથે વાતચીત કરી હતી. દરમ્યાન જોરદાર પવન ફૂંકાતા વકીલની સાઈકલ પડી ગઈ હતી. જેને ઉઠાવવામાં પ્રિયંકાએ વકીલની મદદ કરી હતી. પ્રિયંકાની સાથે આવેલાં લોકોએ વકીલનો નંબર લીધો અને કોંગ્રેસ કાર્યાલય આવીને પ્રિયંકાને મળવા માટે કહ્યુ હતુ. મીડિયા સાથે વાતચીત કરતાં પ્રિયંકાએ કહ્યુ હતુ કે, લોકો મોદી સરકારથી નારાજ દેખાઈ રહ્યા છે. જેનું પરિણામ ચૂંટણીમાં જોવા મળશે.

(12:33 am IST)
  • લોકસભા ચુંટણી ૨૦૧૯ : આજે સૌરાષ્ટ્ર-કચ્છમાં સૌથી ઓછુ મતદાન અમરેલીમાં અને સૌથી વધુ મતદાન રાજકોટમાં થયું છે : આખા રાજ્યમાં સૌથી ઓછુ મતદાન અમરેલીમાં અને સૌથી વધુ મતદાન વલસાડમાં થયું છે : ૨૦૧૪ની સરખામણીએ આ વખતે પણ આખા રાજ્યનાં વોટર ટર્નઆઉટની એવરેજમાં બહુ મોટો ફેર નથી પડ્યો - એટલે હવે એ જોવાનું રહ્યું કે ૪૫ લાખ નવા મતદાતાઓ કઈ દિશામાં લઈ જશે ગુજરાતની ૨૬ બેઠકોને access_time 10:44 pm IST

  • મોદી વિરોધી મતોનું રાહુલ ગાંધી વિભાજન કરે છે: કેજરીવાલ: કેજરીવાલે પણ કહયું કે દિલ્હીમાં આપ-કોંગી રહયો નથીઃ રાહુલ ગાંધી ગઠબંધન ઇચ્છતા નથી access_time 4:00 pm IST

  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST