Gujarati News

Gujarati News

News of Tuesday, 22nd October 2019

ગુરૂનાનક દેવની ૫૫૦મી જન્મ જયંતિ ઉજવવા પાકિસ્તાન જનારા બ્રિટન સ્થિત ૨૦૦ શીખોએ પ્રવાસ રદ કર્યોઃ ૩૧ ઓકટો.૨૦૧૯ના રોજ ઇસ્લામાબાદ મુકામે ઇમરાન સરકાર વિરૂધ્ધ યોજાનારી રેલીના કારણે શાંતિ ડહોળાવાનો ભય વ્યકત કર્યોઃ રેલી રદ કરવા JUIF પ્રેસિડન્ટ મૌલાના ફઝલુર રહેમાનને વિનંતી કરી

લંડનઃ પાકિસ્તાનમાં ઇમરાન ખાનને સત્તા ઉપરથી હટાવવા જમિયત ઉલેમાએ ઇસ્લામ ફઝલ (JUIF)ના ઉપક્રમે ૨૭ ઓકટો.થી ૩૧ ઓકટો દરમિયાન દેખાવો સાથે રેલીનું આયોજન કરાયું છે. જે ૩૧ ઓકટો.ના રોજ ઇસ્લામાબાદ પહોંચશે. આ રેલીના કારણે પાકિસ્તાનની શાંતિ ડહોળાવાનો ડર હોવાથી તે રદ કરવા JUIFના પ્રમુખ મૌલાના ફઝલુર રહેમાનને બ્રિટીશ સ્થિત શીખ સમુદાયએ અનુરોધ કર્યો છે.

સમુદાયે જણાવ્યા મુજબ આ રેલીના આયોજનને કારણે બ્રિટનથી પાકિસ્તાન મુકામે નવેં.માસમાં ગુરૂ નાનકદેવની ૫૫૦મી જન્મ જયંતિ ઉજવવા જનારા ૨૦૦ શીખોએ તેમનો પ્રવાસ રદ કર્યો છે.

તેથી રેલી હાલની તકે મોકુફ રાખવા અથવા ૨૦ નવેં.પછી રાખવા વિનંતી કરાઇ છે તેવું જાણવા મળે છે.

(8:21 pm IST)
  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • અરબી સમુદ્રના ડીપ્રેશનને લીધે પ.ભારતના સાગરકાંઠે દે ધનાધન પડશે : આવતા ૪૮ કલાકમાં અરબી સમુદ્રનું લો પ્રેસર, ડીપ્રેશનમાં ફેરવાઇ જશે જેને લીધે પશ્ચિમ ભારતના સાગર કાંઠે મુખ્યત્વે રત્નાગીરીથી મેંગ્લોર બેલ્ટ વચ્ચે ભારે વરસાદની આગાહી થઇ છે. access_time 12:54 pm IST

  • " કમલેશ તિવારીને અમે મારી નાખ્યો ,હવે તારો વારો છે ": ઉત્તર પ્રદેશ નવનિર્માણ સેનાના અધ્યક્ષ અમિત જાનીને ધમકીપત્ર : પોલીસ તપાસ ચાલુ access_time 12:56 pm IST