Gujarati News

Gujarati News

News of Tuesday, 22nd October 2019

ફિલ્મ સ્ટારનાં નામવાળા ગધેડાં લાખોની કિંમતમાં વેચાય છે

કાળી ચૌદશથી ત્રણ દિવસ મેળો ભરાય છે, જેમાં દેશનાં અલગ-અલગ રાજયમાંથી વેપારીઓ આવે છે

ચિત્રકુટ તા. રર :.. પ્રભુ શ્રીરામની તપોસ્થલી ચિત્રકુટમાં દિવાળી પર કાળી ચૌદશના દિવસથી ત્રણ દિવસ સુધી મંદાકિની તટ પર ગધેડાંનો ઐતિહાસીક મેળો લાગે છે. તેમાં ફિલ્મી સ્ટાર અને નેતાઓનાં નામવાળા ગધેડા લાખો રૂપિયામાં ખરીદવા અને વેચવામાં આવે છે. ઘણાં રાજયોમાંથી આવેલા વેપારીઓ કરોડો રૂપિયાનો બિઝનેસ કરે છે. મુગલ શાસક ઔરંગઝેબે ચિત્રકુટમાં આ મેળાની શરૂઆત કરી હતી. દેશભરમાં સેના લઇને ઘુમતી વખતે સૈન્ય બળની પાસે ઘોડાની કમી થતાં મેળો લગાવાયો હતો. તેમાં અફઘાનિસ્તાન સુધીનાં ગધેડાં અને ખચ્ચર વેચાણ માટે લવાયા હતાં. તેમને મુગલ સેનામાં સામેલ કરાયાં હતાં. ત્યાર બાદ મેળો લાગવાનો ક્રમ જારી છે.

મેળામાં ઉત્તર પ્રદેશ, મધ્ય પ્રદેશ, છત્તીસગઢ, બિહાર, રાજસ્થાન, દિલ્હી, ઝારખંડ, મહારાષ્ટ્ર, ઉત્તરાખંડ અને નેપાળ સુધીના વેપારીઓ ખરીદી માટે આવે છે. બુંદેલી સેનાના જિલ્લાધ્યક્ષ અજિતસિંહના જણાવ્યા મુજબ નવા ગામ અને જિલ્લાના કતરા ગુદર મેદાનમાં લાગતા મેળાની વેપારીઓ વરસથી રાહ જુએ છે. મેળામાં ગધેડાની પાંચ લાખ સુધીની બોલી લગાવાય છે.

આંતર રાજય ગધેડા મેળામાં ફિલ્મી સ્ટારનાં નામવાળા ગધેડાનું વેચાણ ઝડપથી થઇ જાય છે. કેટલાક નેતા પર પણ નામ રાખવામાં આવે છે. વેપારીને ફિલ્મી અભિનેત્રીઓનાં નામવાળા ગધેડા સૌથી વધુ આકર્ષે છે. કેટલાંક સારી જાતનાં ગધેડાની ઘોડાગાડીની જેમ પણ ઉપયોગ થતો હોય છે. એક ગધેડો પ્રતિ દિન રૂ. એકથી દોઢ હજારની કમાણી કરી લે છે. જયારે તેની પર માત્ર અઢીસો રૂપિયાનો ખર્ચ થાય છે.

(3:53 pm IST)
  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • રાજયપાલશ્રી આચાર્ય દેવવ્રત કાલે દ્વારકાની મુલાકાતે : દેવભૂમિ દ્વારકા તા ૨૨ : ગુજરાત રાજયના મહામહિમ રાજયપાલ શ્રી આચાર્ય દેવવ્રત આગામી તા.૨૩ના દ્વારકાની મુલાકાતે આવનાર છે. રાજયપાલશ્રી સવારે ૯.૧૦ થી ૧૦.૦૦ દરમ્યાન દ્વારકાધીશ મંદિરની મુલાકાત લેશે, ત્યારબાદ ૧૧.૦૦ કાલકે રાજયપાલશ્રી કોસ્ટગાર્ડ, દ્વારકાની મુલાકાત લેશે. access_time 11:26 am IST

  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST