Gujarati News

Gujarati News

News of Tuesday, 22nd September 2020

રિયાનો જેલવાસ ૬ ઓકટોબર સુધી લંબાયો

હાઇકોર્ટમાં જામીન અરજી ઉપર સુનાવણી કાલે થશે

મુંબઇ તા. ૨૨ : ડ્રગ્સ કેસમાં ફસાયેલી અભિનેત્રી રિયા ચક્રવર્તીનો જેલવાસ ૬ ઓકટોબર સુધી લંબાયો છે. રિયાની સાથે તેના ભાઇ શોવિકનો જેલવાસ પણ લંબાયો છે.

રિયાની એનસીબીએ ૮ સપ્ટેમ્બરના રોજ ધરપકડ કરી હતી અને તેણીને ૨૨મી સુધી કોર્ટે જેલમાં મોકલી દીધી હતી. આ દરમિયાન રિયા અને શોવિકે બોમ્બે હાઇકોર્ટમાં જામીન અરજી દાખલ કરી છે જેના પર આવતીકાલે સુનાવણી થશે.

રિયા અને શોવિકની અભિનેતા સુશાંતસિંહ રાજપૂત માટે ડ્રગ્સ મેળવી આપવાનો આરોપસર ધરપકડ થઇ હતી.

(3:02 pm IST)
  • મલાલા : નોબલ શાંતિ પારીતોષીક વિજેતા મલાલા યુસુફજઇ કહે છે કોરોના મહામારી પૂર્ણ થયા પછી ૨ કરોડ દિકરીઓ સ્કુલોમાં ફરી ભણવા માટે નહિ જાય. મહામારીએ આપણા સામુહીક ધ્યેયને મોટી લપડાક મારી છે. ૨૦૧૫ જે સતત વિકાસ લક્ષ્યો પ્રાપ્ત કરવાનું અપનાવાયેલ તેમાં ખુબ ઓછુ કામ થયું છે. access_time 3:05 pm IST

  • રાજકોટ : ઝોન 8 માં બેસતા વરિષ્ઠ નોટરી કે. કે. મહેતાનું કોરોના ને લીધે દૂ:ખદ અવસાન થયાનું જાણવા મળે છે. access_time 12:10 am IST

  • લડાખ સરહદે વધુ સૈનિકો મોકલવાનું બંધ કરવા ચીન અને ભારત વચ્ચે સમજૂતી : ચીન અને ભારત બંને સરહદ ઉપર, ફ્રન્ટ લાઈન ઉપર, વધુ સૈનિકો મોકલવાનું બંધ કરવા, જમીન પરની હાલની પરિસ્થિતિ એકતરફી નહિ બદલવા, અને પરિસ્થિતિને જટિલ બનાવી શકે તેવા કોઈપણ પગલાં લેવાનું ટાળવા માટે સહમત થયા હોવાનું ચીનના રાષ્ટ્રીય સંરક્ષણ મંત્રાલયના પ્રવક્તાએ જણાવ્યુ છે. ચીન અને ભારત બંને દેશોનું સત્તાવાર સંયુક્ત નિવેદન ટૂંક સમયમાં જાહેર થશે. access_time 11:59 pm IST