Gujarati News

Gujarati News

News of Tuesday, 22nd September 2020

કેન્દ્ર સરકારે સુપ્રીમ કોર્ટમાં તેના જવાબમાં બેધડક જણાવ્યું કે ડિજિટલ મીડિયા ઝેર ફેલાવવાની કામગીરી કરી રહ્યું છે

સુદર્શન ટીવી ચેનલના કેસમાં કેન્દ્ર સરકારે સોગંદનામાં માં કર્યો ઘટસ્ફોટ

નવી દિલ્હી : ટીવી અને અખબારો સહિત ડિજિટલ મીડિયા પર કંટ્રોલ મૂકવાં ના મામલામાં આજે સુપ્રીમ કોર્ટમાં સોગંદનામુ રજૂ કરી સ્પષ્ટ કહ્યું હતું કે ડિજિટલ મીડિયા ઝેર ફેલાવે છે

સુપ્રીમ કોર્ટમાં દાખલ સોગંદનામામાં સરકારે જણાવ્યું છે કે વેબ આધારિત ડિજિટલ મીડિયાનો નિયંત્રિત કરવુ પડશે. સરકારે જણાવ્યું છે કે ડિજિટલ મીડિયા  ઝેર ફેલાવે છે, તે ફક્ત હિંસા જ નહી પરંતુ આતંકવાદીને પણ પ્રોત્સાહન આપી રહ્યુ છે. વેબ આધારિત ડિજિટલ મીડિયાએ કેટલીય સંસ્થાઓની છબી ખરાબ કરી છે અને તે અત્યંત ખતરનાક છે.

ઇલેકટ્રોનિક અને પ્રિન્ટ મીડિયાના નિયંત્રણનો નિર્ણય સંસદને કરવા દોઃ કેન્દ્ર

કેન્દ્ર સરકારે સુપ્રીમ કોર્ટમાં અપીલ કરી હતી કે તે મુખ્યધારાના ઇલેક્ટ્રોનિક અને પ્રિન્ટ મીડિયાને નિયંત્રિત કરવા માટે કોઈ દિશાનિર્દેશ નક્કી ન કરે અને આ મુદ્દાને સંસદ માટે છોડી દે.

સુપ્રીમ કોર્ટે 15 ડિસેમ્બરના રોજ સુદર્શન ટીવીના શો યુપીએસસી જેહાદના (UPSC Jihad) પ્રસારણ પર પ્રતિબંધ લગાવી દીધો હતો અને જણાવ્યું હતું કે ચેનલ તેમની ચિંતાઓનો જવાબ આપે. કોર્ટે જણાવ્યું હતું કે અમે કોઈ ચેનલને સમગ્ર મુસ્લિમ સમાજને લક્ષ્યાંક બનાવવાની છૂટ ન આપી શકીએ.

સુપ્રીમ કોર્ટના ન્યાયાધીશ ડીવાય ચંદ્રચૂડ અને કેએમ જોસેફની બેન્ચે આ મામલાની સુનાવણી કરી હતી. આ કેસની સાથે-સાથે ટીવી ન્યૂઝ ચેનલની માલિકી અને ટીવી પરની ચર્ચાની કેટલીય પદ્ધતિઓ પર આકરી ટિપ્પણી કરી હતી.

સુપ્રીમ કોર્ટે મીડિયા માટે માર્ગરેખા ખેંચી

સુદર્શન ટીવીના કાર્યક્રમ પર સુપ્રીમ કોર્ટના મનાઈહુકમે મીડિયા સંસ્થાઓ પાસે નવી માર્ગરેખા ખેંચી છે. સુપ્રીમ કોર્ટે જણાવ્યું હતું કે અભિવ્યક્તિની સ્વતંત્રતાના નેજા હેઠળ મીડિયા કોઈના વિશે ગમે તેમ અને ગમે તે શબ્દોનો ઉપયોગ ન કરી શકે. તે બીજી કોઈ વ્યક્તિ કે સમાજની ગરિમા પર અસર ન પહોંચાડી શકે.

કોઈ અમુક ઘટનાક્રમ કે બનાવોને લઈને તે વ્યક્તિના કુટુંબ કે તેના સમગ્ર સમાજને તેના માટે મીડિયા દોષિત ઠેરવી ન શકે. આ સિવાય મીડિયા કોઈની સામે પણ મીડિયા ટ્રાયલ ન ચલાવી શકે. કોઈની સામે કેસ ચલાવવાની અને તેને યોગ્ય ન્યાય આપવાની જવાબદારી કોર્ટની છે. મીડિયા કોઈના માટે ન્યાયાધીશની ભૂમિકામાં ન બેસી શકે.

સુપ્રીમ કોર્ટ દ્વારા કરવામાં આવેલી આ ટિપ્પણી છેલ્લા કેટલાક વર્ષોમાં મીડિયા સામે કરવામાં આવેલી આકરામાં આકરી ટિપ્પણી છે. ઘણા લાંબા સમય પછી મીડિયા માટે કોઈએ સીમારેખા દોરી છે. આ રીતે સુપ્રીમે વ્યક્તિગત સ્વતંત્રતા અને વ્યક્તિના અધિકાર વચ્ચે સંતુલન જાળવવાનો પ્રયાસ કર્યો છે.

(12:00 am IST)
  • સહકારી બેન્કો હવે રીઝર્વ બેન્કના પંજામાં : ખરડો પસાર :સહકારી બેન્કો હવે રીઝર્વ બેન્કના ભરડામાં : રિઝર્વ બેન્કની નજર હેઠળ સહકારી બેન્કોને આવરી લેતા ખરડાને રાજયસભામાં મંજૂરી આપવામાં આવી છે. આ ખરડાનો હેતુ બેન્કમાં ખાતાધારકોના હિતોની રક્ષા કરવાનું છે. આ વિધેયકને રાજયસભામાં ધ્વનીમતથી પસાર કરવામાં આવેલ. લોકસભામાં ૧૬ સપ્ટેમ્બરે આ ખરડો પસાર થઈ ગયો હતો. હવે આ ખરડો કાનુન બન્યા પછી જાહેરનામાની જગ્યા લેશે. રીઝર્વ બેન્કના માધ્યમથી સહકારી બેન્કો સહિત સમગ્ર બેન્કીંગ વ્યવસ્થાને સુવ્યવસ્થિત કરવાનો હેતુ છે access_time 3:53 pm IST

  • નિયમ બધા માટે સરખા : રાજકોટમાં માસ્ક વગર જાહેરમાં દેખાતા વિખ્યાત ગાયક કીર્તીદાન ગઢવીને પોલીસે દંડ ફટકાર્યો access_time 11:18 pm IST

  • તાઇવાન માટે ચીન ખતરા સમાન : બની ગયાનું તાઇવાનના મહિલા રાષ્ટ્રપતિ સાઇ ઇંગ-વેને કહ્યું છે. છેલ્લા ૨ દિવસથી ચીન તરફથી સતત ફાઇટર પ્લેનો તાઇવાનની સીમામાં ઉડાવાય છે અને ચીન સંપૂર્ણ નફફટાઇથી કહે છે તાઇવાન અમે ગમે ત્યારે હડપ કરી જશું તેમણે કહ્યું કે તાઇવાન જલસીમામાં ધુસી આવવાનું કૃત્ય જ દર્શાવે છે કે ચીન આ સમગ્ર વિસ્તાર માટે ખતરા સમાન છે. અમેરીકાના ટોચના અધિકારી કીથ કૈચની તાઇવાન મુલાકાત સમયે ચીનના લશ્કરી વિમાનો તાઇવાન ઉપર ઉડયા હતા access_time 3:05 pm IST