Gujarati News

Gujarati News

News of Tuesday, 21st May 2019

ઈલેકશન ૨૦૧૯: દેશના ઈતિહાસમાં સૌથી વધુ મતદાન

૯૧ કરોડ મતદારોમાંથી ૬૭.૧૧ ટકાએ કર્યુ મતદાન : મહિલાઓ દ્વારા જાગૃતિ વધી, વધુ મતદાન

નવી દિલ્‍હી, તા. ૨૧ :. દેશની કોઈપણ લોકસભા ચૂંટણી કરતા આ વખતે સાત તબક્કામાં પુરી થઈ ગયેલ ચૂંટણીમાં સૌથી વધુ મતદાન નોંધાયું. આ વખતની ચૂંટણીમાં કુલ ૯૧ કરોડ મતદારોમાંથી લગભગ ૬૭.૧૧ ટકા મતદારોએ મત આપ્‍યા હતા. ૨૦૧૪માં કુલ મતદાન ૬૬.૪૦ ટકા નોંધાયુ હતું.

ગઈકાલે મળેલા આંકડાઓ પ્રમાણે ૬૭.૧૧ ટકા મતદાન થયું છે. લોકસભાની ૫૪૩માંથી ૫૪૨ બેઠકો પર મતદાન થયું હતું કેમ કે ચૂંટણી પંચે વધારે પડતા ધન-બળના ઉપયોગના કારણે વેલ્લોર બેઠકની ચૂંટણી રદ્દ કરી હતી. પંચે વેલ્લોર બેઠક માટે ચૂંટણીની તારીખો હજુ સુધી નથી આપી. ૨૦૧૪ની ચૂંટણીમાં મતદારોની સંખ્‍યા ૮૩.૪૦ કરોડ હતી જે આ વખતે ૯૦.૯૯ કરોડ પહોંચી હતી. ૨૦૦૯ની ચૂંટણીમાં કુલ મતદાન ૫૬.૯ ટકા નોંધાયુ હતું.

૨૦૧૪માં મહિલાઓ અને પુરૂષો વચ્‍ચે મતદાનનો ફરક ૧.૪ ટકા હતો જે આ વખતે ૦.૪ ટકા રહી ગયો છે.

લોકસભા ચૂંટણીમાં વારાણસી બેઠક પર ગઈ ચૂંટણી કરતા દોઢ ટકા ઓછું મતદાન થયું છે. ૨૦૧૪માં ૫૮.૨૫ ટકા મતદાન થયું હતું જે ઘટીને આ વખતે ૫૬.૯૭ ટકા થઈ ગયું હતું.

આ વખતની ચૂંટણીમાં મતદાન પહેલાથી સાતમાં તબક્કા સુધી પહોંચતા પહોંચતા ઘટતુ ગયું હતુ. પહેલા તબક્કામાં સર્વાધીક ૬૯.૧૧ ટકા મતદાન થયું હતું પણ મોટાભાગના રાજ્‍યોમાં મતદાનની ટકાવારી ૨૦૧૪ કરતા વધારે રહી હતી. મધ્‍યપ્રદેશની વાત કરીએ તો ૨૦૧૪ની સરખામણીએ અહીં ૫.૯૨ ટકા મત વધારે પડયા હતા. જો કે પંજાબ અને ચંદીગઢ જેવા રાજ્‍યોમાં મતદાન ઘટયું છે.

દેશમાં સાત તબક્કાની ચૂંટણી કરાવવા માટે ૩ લાખ અર્ધ સૈનિક દળોની સાથે ૨૦ લાખથી વધારે રાજ્‍ય પોલીસ અને હોમગાર્ડ તહેનાત કરવામાં આવ્‍યા હતા. ૧૯૮૬માં થયેલ ઓપરેશન બ્રાસ ટેકસ' કરતા પણ આ સંખ્‍યા વધારે છે. ઓપરેશન બ્રાસ ટેકસ બીજા વિશ્વ યુદ્ધ પછીનો સૌથી મોટો સૈન્‍ય અભ્‍યાસ ગણાય છે. જે રાજસ્‍થાનમાં કરવામાં આવ્‍યો હતો. જે ૧૯૮૬માં શરૂ થઈને ૧૯૮૭માં પુરો થયો હતો. ગૃહ મંત્રાલયના એક અધિકારીએ જણાવ્‍યુ કે આ વખતની ચૂંટણીમાં લગભગ ૨૦ લાખ સૈનિકો સામેલ હતા જેમાં પોલીસ, અર્ધસૈનિક દળો અને હોમગાર્ડસનો સમાવેશ થાય છે.

(11:17 am IST)
  • નવજોતસિંહ સિદ્ધુએ ભાજપ અને કોંગ્રેસ બંને પાર્ટીઓને અપમાનિત કરી : હવે ઇમરાનની પાર્ટી જોઇન કર્યા સિવાય કોઇ વિકલ્પ નથી: અનિલ વિજનો વ્યંગ:હરિયાણા સરકારના સ્વાસ્થય અને રમત મંત્રી અનિલ વીજે કોંગ્રેસ નેતા નવજોત સિંહ સિદ્ધુ પર નિશાન સાધ્યું :વીજે કહ્યું કે, સિદ્ધુએ ભાજપ અને કોંગ્રેસ બંન્ને પાર્ટીઓને અપમાનીત કરી છે. એવામાં તેની પાસે પાકિસ્તાનના વડાપ્રધાન ઇમરાન ખાનની પાર્ટી તહરીક એ ઇંસાફમાં જવાનો જ વિકલ્પ બચે છે access_time 12:34 am IST

  • માત્ર વંદેમાતરમ અથવા જયહિઁદ કરવું દેશભક્તિ નથી :ઉપ રાષ્ટ્રપતિ વેંકૈયા નાયડુએ ચેતવ્યા : બંધારણને નબળું નહિ પાડો :એક દીક્ષાંત સમારોહમાં સંબોધિત કરતા ઉપરાષ્ટ્રપતિએ એ વાત પર ભાર મુક્યો કે માત્ર વંદેમાતરમ અને જયહિન્દ બોલાવથી દેશભક્તિ સાબિત થતી નથી access_time 1:10 am IST

  • કર્ણાટકના મુખ્યમંત્રી કુમારસ્વામીને મળવા પહોંચ્યા કોંગ્રેસના મહાસચિવ વેણુગોપાલ : જેડીએસના સંરક્ષક એચડી દેવગૌડા અને કુમારસ્વામી ઈવીએમ મુદ્દે વિપક્ષી નેતાઓની બેઠકમાં ઉપસ્થિત નહિ રહેતા તાબડતોડ વેણુગોપાલે કુમારસ્વામીસ સાથે મુલાકાત કરી :કર્ણાટક સરકાર સબંધી પણ વાતચીત કરી access_time 1:10 am IST