Gujarati News

Gujarati News

News of Monday, 21st May 2018

પ્રતિબંધિત શેલ કંપનીઓ પર ટેક્સ વિભાગની નજર

વિગત આપવા માટે એમસીએને આદેશ કરાયો : શેલ કંપનીઓ સામે કેસ દાખલ કરવા માટે આદેશ થયો

નવી દિલ્હી, તા. ૨૧ : પ્રતિબંધ મુકવામાં આવેલી તમામ શેલ કંપનીઓ હવે ટેક્સ અધિકારીઓની જાળ હેઠળ હેઠળ આવી ગઈ છે. સીબીડીટી દ્વારા વિગતો આપવા માટે એમસીએને સ્પષ્ટ સૂચના આપી દીધી છે. શેલ કંપનીઓ દ્વારા ગેરરીતિઓ મોટાપાયે આચારવામાં આવી રહી છે તેવા અહેવાલ વારંવાર આવતા રહ્યા છે. સેન્ટ્ર્લ બોર્ડ ઓફ ડાયરેક્ટર્સે કોર્પોરેટ બાબતોના મંત્રાલયમાં તથા રજીસ્ટ્રાર ઓફ કંપનીને શેલ કંપનીઓના સંદર્ભમાં વિગત આપવા માટે સૂચના આપી દીધી છે. કોઈપણ કામગીરીને આગળ વધારતા પહેલા ટેક્સ વિભાગને આ અંગે જાણ કરવા માટે એમસીએને કહેવામાં આવ્યું છે. ટેક્સ વિભાગનું કહેવું છે કે આ પ્રકારની કંપનીઓ સાથે સંબંધિત વિગતો મેળવવામાં આવે તે ખૂબ જરૂરી છે. ૩૧મી મે સુધીમાં તમામ પ્રકારની વિગત આપવા માટે કહેવામાં આવી ચુક્યું છે. કોર્પોરેટ બાબતોના મંત્રાલય દ્વારા શેલ કંપનીઓની ગતિવિધિ ઉપર નજર રાખવામાં આવી રહી છે. આ મહિનાના અંત પહેલા એનસીએલટી સમક્ષ શેલ કંપનીઓ સામે કેસ દાખલ કરવા નોડલ અધિકારીઓને સૂચના અપાઈ છે. શેલ કંપનીઓને લઈને મોદી સરકાર ખૂબ જ સક્રિય દેખાઈ રહી છે.

(7:14 pm IST)
  • રાજકોટ સહીત સૌરાષ્ટ્રવાસીઓને મળશે રાહત: મુંબઈથી આવતી દુરંતો એક્સપ્રેસને રાજકોટ સુધી લંબાવાઈ: અત્યાર સુધી આ ટ્રેન અમદાવાદ સુધી જ આવતી હતી: હવે રાજકોટ સુધી લંબાવાઈ access_time 8:22 pm IST

  • એફ્રોએશિયા બેંક ગ્લોબલ વેલ્થ માઇગ્રેશન રિવ્યુ' ના હેવાલ મુજબ 8,230 અબજ ડોલરની સંપત્તિ સાથે ભારત વિશ્વનો છઠ્ઠો સૌથી ધનિક દેશ છે. આ યાદીમાં અમેરિકા 62,584 અબજ ડોલરની સંપત્તિ સાથે ટોચ પર છે. ત્યાર બાદ 24,803 અબજ ડોલરની સંપત્તિ સાથે ચીન બીજા ક્રમે અને 19,522 અબજ ડોલરની સંપત્તિ સાથે જાપાન ત્રીજા ક્રમે છે. access_time 5:52 am IST

  • કોંગી ધારાસભ્યે ખોલી પાર્ટીની પોલ :મારી પત્ની અને કોઈ ભાજપ નેતા વચ્ચે વાતચીત થઇ નથી :કોંગ્રેસના ધારાસભ્ય શિવરામ હેબબરે કહ્યું આવી કોઈપણ ઓડીઓ ટેપ નકલી :કોંગ્રસે એક ઓડીઓ ટેપ જાહેર કરીને દાવો કર્યો હતો કે ભાજપે હેબરનું સમર્થન હાંસલ કરવાના બદલામાં તેની પત્નીને 15 કરોડની ઓફર કરી છે access_time 7:35 pm IST