Gujarati News

Gujarati News

News of Monday, 21st May 2018

ઇ ટ્યુરિસ્ટ વિઝાથી ૧૪૦૦ કરોડની જંગી આવક થઇ છે

૨૫ લાખ પ્રવાસીઓ સ્કીમનો લાભ ઉઠાવશે : ૨૦૧૪માં ઇ-વિઝાની શરૂઆત કરવામાં આવ્યા બાદથી લોકપ્રિયતામાં વધારો : ૧૬૩ દેશોના પ્રવાસીઓ પહોંચ્યા

નવીદિલ્હી, તા. ૨૦ : સરકારે સફળ ઇ-વિઝા સ્કીમથી રેવેન્યુ તરીકે ૧૪૦૦ કરોડ રૂપિયાની કમાણી કરી લીધી છે. પ્રવાસી તરીકે ભારતના પ્રવાસે ૧૬૩ દેશોના નાગરિકો આવ્યા છે. વર્ષ ૨૦૧૪માં ઇ-વિઝા સ્કીમની શરૂઆત કરવામાં આવ્યા બાદથી રેવેન્યુ તરીકે સરકારે ૧૪૦૦ કરોડ રૂપિયાની કમાણી કરી લીધી છે. કેન્દ્રીય ગૃહમંત્રાલયના અધિકારીઓનું કહેવું છે કે, લોકપ્રિય ઇવિઝા સ્કીમનો લાભ ૨૦૧૭માં ૧૯ લાખ પ્રવાસીઓએ લીધો હતો. ૨૦૧૮માં આ આંકડો વધીને ૨૫ લાખ સુધી પહોંચી શકે છે. ૨૦૧૪માં તેની શરૂઆત કરવામાં આવ્યા બાદથી ઇ વિઝા સ્કીમ મારફતે ૧૪૦૦ કરોડ રૂપિયાથી વધુની મહેસુલી આવક થઇ ગઇ છે. અધિકારીઓના કહેવા મુજબ ઇ-વિઝાની ફી ચાર સ્લેબમાં વિભાજિત કરવામાં આવી છે જેમાં ઝીરો, ૨૫ ડોલર, ૫૦ ડોલર, ૭૫ ડોલરનો સમાવેશ થાય છે. નાગરિકતાના આધાર પર આ બાબત નક્કી કરવામાં આવે છે. ઇ-વિઝા સ્કીમને ગૃહ મંત્રાલયના ડિવિઝન દ્વારા અમલી કરવામાં આવી હતી. જુદી જુદી સર્વિસની અસરકારકતા અને પારદર્શકતાને વધારવાના હેતુસર ઇ-વિઝા સ્કીમ શરૂ કરવામાં આવી હતી. આ સુવિધા હવે ૧૬૩ દેશોના નાગરિકો માટે ઉપલબ્ધ છે. ૨૫ આંતરરાષ્ટ્રીય વિમાની મથકો અને પાંચ દરિયાઈ બંદરો મારફતે ભારતમાં પ્રવેશ કરતા ૧૬૩ દેશોના નાગરિકો માટે આ સુવિધા ઉપલબ્ધ કરાવવામાં આવી રહી છે. ઇ-વિઝા સ્કીમ હેઠળ જ્યારે ઓનલાઈન અરજી અરજીદાર સુપરત કરે છે ત્યારે તેને ભારતમાં પ્રવાસ કરવા માટે અધિકાર મળી જાય છે અને આની મંજુરી પણ મળી જાય છે. પ્રવાસી પ્રિન્ટઆઉટ લઇને કોઇ પણ જગ્યાએ પ્રવાસ કરી શકે છે. ઇ-મેઇલ મારફતે ઓનલાઈન અરજી થયા પછી કોઇપણ વિદેશી પ્રવાસી પ્રિન્ટઆઉટ બહાર કાઢીને પોતાની સાથે રાખીને પ્રવાસ કરી શકે છે. ભારતમાં આવ્યા બાદ પ્રવાસીએ ઇમિગ્રેશન સત્તાવાળાઓ સમક્ષ આ પ્રિન્ટઆઉટ રજૂ કરવાની હોય છે ત્યારબાદ વિદેશી પ્રવાસીને ભારતમાં પ્રવેશ કરવાની તક મળે છે. ઇ-વિઝા સ્કીમમાં બિઝનેસ અને મેડિકલ કેટેગરીને આવરી લેવામાં આવી છે. જેમાં ટ્યુરિઝમ ઉપરાંતની બાબતનો સમાવેશ થાય છે. ઇ-વિઝા ઉપર આવનાર પ્રવાસી બે મહિના સુધી ભારતમાં રહી શકે છે. ઇ-વિઝા સ્કીમ હેઠળ અરજી માટેની વિન્ડો ૩૦ દિવસથી વધારીને ૧૨૦ દિવસની કરી દેવામાં આવી છે અને ઇ-વિઝા ઉપર રોકાણનીઅવધિ ૩૦ દિવસથી વધારીને ૬૦ દિવસ કરી દેવામાં આવી છે.

(12:00 am IST)
  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST

  • સુરેન્દ્રનગર : વઢવાણ તાલુકાના સાંકળી ગામે વિજ ચેકીંગમા ગયેલ PGVCL ટીમ પર ગ્રામજનોએ કર્યો પથ્થરમારો access_time 11:18 am IST

  • ગુજરાતમાં ધોરણ-3ના 41 ટકા વિદ્યાર્થીઓ 999 સુધીના આંકડા લખી અને વાંચી શકતા નથી. ધોરણ - 5ના 41 ટકા વિદ્યાર્થીઓ 1000થી મોટા આંકડા લખી-વાંચી શકતા નથી. ધોરણ 3,5 અને 8ના 40 ટકા વિદ્યાર્થીઓ ગણિત, પર્યાવરણ અને ભાષાના જવાબ આપી શકતા નથી. ધોરણ-3ના 50 ટકા, ધોરણ 5માં 53 ટકા શિક્ષકો ભણ્યા હોય તેનાથી જુદો વિષય ભણાવે છે તેમ ગુજરાત કોંગ્રેસના પ્રવક્તા ડો. મનિષ દોશીએ જણાવ્યું હતું. access_time 6:19 am IST