Gujarati News

Gujarati News

News of Wednesday, 20th March 2019

વડાપ્રધાન આજે રપ લાખ ચોકીદારોને મળશે ઓડીયો દ્વારા

ચોકીદાર બનશે ભાજપાનું મુખ્ય હથિયાર

નવી દિલ્હી, તા. ર૦ : ભાજપાની ચૂંટણી ઇનીંગ 'મેં ભી ચોકીદાર' કેમ્પેઇન પર ખેલશે. પક્ષે તેને પોતાની ચૂંટણી થીમ બનાવવાનો નિર્ણય કરી લીધો છે. વડાપ્રધાન આજે ઓડીયોબ્રીજના માધ્યમથી દેશના લગભગ રપ લાખ ચોકીદારોને સંબોધન કરશે અને તેમની સાથે હોળીના રંગે શેર કરશે. આ ઉપરાંત ૩૧ માર્ચે વિડીયો કોન્ફરન્સ દ્વારા પ૦૦ સ્થાનો પર 'મેંભી ચોકીદાર' આંદોલનને સમર્થન આપનારા લોકો સાથે વાત કરશે.

કેન્દ્રીય પ્રધાન રવિશંકર પ્રસાદે મંગળવારે પક્ષના ચૂંટણી અભિયાનની વાત કરી હતી. તેમણે રાહુલ ગાંધી પર વાર કરતા કહ્યું કે જેઓ જામીન પર છે તેમને મૈંભી ચોકીદારહું

 કેમ્પેનથી તકલીફ છે. જેમનો પરિવાર અને સંપતિ જોખમમાં છે તેમને વાંધો છે, જે લોકો પરિવાર સહિત કાયદેસરની કાર્યવાહી ભોગવી રહ્યા છે, જેમની પાસે છુપાવવા માટે કંઇક છે તેમને તકલીફ છે. પ્રસાદે કહ્યું કે તે લોકો કહે છે કે ચોકીદાર અમીરો માટે હોય છે, ગરીબો માટે નહીં. જયારે તેઓ સતા પર હતા ત્યારે જનતાના ૧ર લાખ કરોડ લૂંટયા છે તો ચોકીદારની જરૂર કોને છે તે કહેવાની જરૂર છે ખરી.

ભાજપા નેતાએ કહ્યું કે મૈંભી ચોકીદાર ભલે આજે કેમ્પેન તરીકે ચાલી રહ્યું હોય પણ આ વાત મોદીએ ર૦૧૪માં જ કહી હતી. તેમણે દાવો કરતા કહ્યું કે આ કેમ્પેન એક દિવસ વૈશ્વિક ટ્રેંડ હતો. ર૦ લાખ લોકોએ તેને ટવીટ કર્યું હતું. એક કરોડ લોકોએ સોશ્યલ મીડીયા અને નમો એપ પર ચોકીદાર થવાના શપથ લીધા છે.

(11:33 am IST)
  • નરેન્દ્રભાઇ ૨૮મીથી ઝંઝાવતી ચૂંટણી પ્રચારના શ્રી ગણેશ કરશેઃ દેશભરમાં અનેક રેલીઓ-સભાઓને સંબોધશેઃ ખાસ કરીને અન્ય પક્ષો શાસીત રાજયોમાં વધુ પ્રચારનું આયોજન access_time 4:13 pm IST

  • ગુજરાતમાં એસીડ એટેકના વધતા કિસ્સાઓના નિયંત્રણ માટે હાઇકોર્ટમાં રીટ પીટીશન : અદાલતે નોટીસો આપી : ગુજરાત હાઇકોર્ટમાં એસિડ પર નિયંત્રણ મુકવા માટે અરજી થઇ છેઃ રાજયમાં એસીડ એટેકના કિસ્સા ન બને તે માટે આ અરજી થઇ છેઃ ગુજરાત હાઇકોર્ટે એસીડના વેચાણ પર નિયંત્રણની અરજી સ્વીકારી : રાજય સરકાર સામે નોટીશ જારી કરીઃ એસીડના ખરીદ વેચાણને લઇ સુપ્રિમકોર્ટે ગાઇડ લાઇન જાહેર કરી હતીઃ સુપ્રીમે કહયું કે રાજય સરકારે ગાઇડ લાઇન પ્રમાણે નિયમો નથી બનાવ્યાઃ આ મામલે રાજય સરકારને હાઇકોર્ટેમાં જવાબ રજુ કરવાનો રહેશે access_time 4:14 pm IST

  • હવે ભાગેડુ મેહુલ ચોકસીનો વારો :ભારત લાવવા પ્રક્રિયા પુરજોશમાં ; ભારત સરકારે સોંપ્યા કાગળો : ભાગેડુ હીરા વેપારી મેહુલ ચોક્સી વિરુદ્ધ એન્ટીગુઆમાં પ્રત્યાર્પણની પ્રક્રિયા ચાલુ access_time 12:48 am IST