Gujarati News

Gujarati News

News of Monday, 19th April 2021

વારાણસી, કાનપુર, પ્રયાગરાજ,લખનૌ અને ગોરખપુરમાં 26 એપ્રિલ સુધી લૉકડાઉન લગાવવા હાઇકોર્ટનો આદેશ

માત્ર જરૂરી સેવાઓને જ છૂટ ;આ પાંચેય શહેરોમાં બેંક અને એટીએમ ખુલ્લા રહેશે

લખનૌ : કોરોના વાયરસ મહામારીના પ્રકોપને જોતા અલ્હાબાદ હાઇકોર્ટે ઉત્તર પ્રદેશની યોગી સરકારને 26 એપ્રિલ સુધી પાંચ કોરોના પ્રભાવિત શહેરોમાં લૉકડાઉન લગાવવાનો આદેશ આપ્યો છે. હાઇકોર્ટે વારાણસી, કાનપુર, પ્રયાગરાજ, લખનઉં અને ગોરખપુરમાં 26 એપ્રિલ સુધી લૉકડાઉન લગાવવાના આદેશ આપ્યા છે.

 અલ્હાબાદ હાઇકોર્ટના આદેશ અનુસાર આ દરમિયાન પાંચ જિલ્લામાં સરકારી અને પ્રાઇવેટ કાર્યાલય બંધ રહેશે. આ સાથે જ માત્ર જરૂરી સેવાઓને જ છૂટ આપવામાં આવશે. પાંચ શહેરોમાં બેંક અને એટીએમ ખુલ્લા રહેશે.

આ પહેલા ઉત્તર પ્રદેશ સરકારે આખા રાજ્યમાં સંપૂર્ણ લૉકડાઉનનો સ્પષ્ટ ઇનકાર કરી દીધો છે. મુખ્યમંત્રી કાર્યાલય અનુસાર, રાજ્યમાં પૂર્ણ તાળાબંધી લાગુ કરવાની જરૂર નથી. કોરોના વાયરસના પ્રસાર પર અંકુશ લગાવવા માટે ઉત્તર પ્રદેશમાં લૉકડાઉન ચાલુ રહેશે

(7:44 pm IST)
  • આજે પણ રાજકોટ શહેર - જિલ્લામાં કોરોના સંક્રમણનું જોર યથાવત : આજે સાંજ સુધીમાં રાજકોટ શહેરમાં 663 અને ગ્રામ્યના 98 કેસ સાથે કુલ અધધધ 761 નવા કોરોના ના કેસ નોંધાયા : લોકો બન્યા બેબાકળા access_time 7:53 pm IST

  • નાણાં પ્રધાન નિર્મલા સીતારામને રવિવારે ઉદ્યોગ જગતને ખાત્રી આપી હતી કે દેશવ્યાપી લોકડાઉન લાદવામાં આવશે નહીં. કોરોનાની બીજી લહેરમાં સતત વધી રહેલા સંક્રમણને ધ્યાનમાં રાખીને, દેશભરમાં લોકડાઉન લાદવાની અટકળો શરૂ થઈ ગઈ છે. આવી સ્થિતિમાં, વધતી અનિશ્ચિતતા સાથે કામદારોના સ્થળાંતરનો ભય પણ વધી રહ્યો છે. access_time 9:35 am IST

  • દેશમાં ભયંકર રીતે ફેલાય રહેલ કોરોના સંક્રમણ : આજે સળંગ ચોથા દિવસે નવા કોરોના કેસ 2 લાખ ઉપર નોંધાયા : છેલ્લા ચોવીસ કલાકમાં ભારતમાં 2,71,000 થી વધુ નવા કેસ અને 1570 દુઃખદ મૃત્યુ નોંધાયા : રાત્રે 11 વાગ્યે હજુ બે રાજ્યોના કેસ રિપોર્ટ થવાના બાકી access_time 11:26 pm IST