Gujarati News

Gujarati News

News of Monday, 19th April 2021

ઓક્સિજનની તંગી નિવારવા મોદી સરકારનો વધુ એક મોટો નિર્ણય:ઓદ્યોગિક હેતુ માટેના ઓક્સિજન પર મૂક્યો પ્રતિબંધ

22 એપ્રિલથી ઉદ્યોગોને ઓક્સિજન નહીં મળે : નવ ઉદ્યોગોને મળતો રહેશે ઓક્સિજન

નવી દિલ્હી : ઓક્સિજનની તંગી નિવારવા મોદી સરકારે વધુ એક મોટો નિર્ણય કર્યો છે કોરોનાના દર્દીઓને પૂરતા પ્રમાણમાં ઓક્સિજન મળી રહે તે હેતુસર મોદી સરકારે ઓદ્યોગિક હેતુસર વપરાતા ઓક્સિજન પર પ્રતિબંધ મૂક્યો છે. જોકે મોદી સરકારના ઉદ્યોગો પરનો પ્રતિબંધ 22 એપ્રિલથી લાગુ પડશે.

રાજ્યોના મુખ્ય સચિવોને પાઠવેલા પત્રમાં કેન્દ્રીય ગૃહ સચિવ અજય ભલ્લાએ જણાવ્યું કે દેશમાં કોરોનાના વધી રહેલા કેસો તથા ઓક્સિજનની અછતને ધ્યાનમાં રાખતા અને તેમાંય ખાસ કરીને મહારાષ્ટ્ર, મધ્યપ્રદેશ, ગુજરાત, દિલ્હી અને યુપીની સ્થિતિ જોતા, કેન્દ્ર સરકારની પેનલે ઓદ્યોગિક ઓક્સિજન સપ્લાયની સમિક્ષા કરી અને તેમાં ઓદ્યોગિક ઓક્સિજનના સપ્લાય પર પ્રતિબંધ મૂકવાનું જરુરી લાગતા 22 એપ્રિલ પછી ઓદ્યોગિક ઓક્સિજનના સપ્લાય પર પ્રતિબંધ લાગુ પડી જશે. 

ઓક્સિજનની તંગી નિવારવા મોદી સરકારે162 ઓક્સિજન પ્લાન્ટની મંજૂરી,  ઓક્સિજનના સપ્લાયનો પૂરો પાડવા સ્પેશિયલ ટ્રેનો ચલાવાશે અને ઉદ્યોગોના ઓક્સિજન પર પ્રતિબંધ એમ ત્રણ મોટા નિર્ણંય લીધા છે

ગૃહસચિવ ભલ્લાએ જણાવ્યું કે સરકારે 9 ઉદ્યોગોને ઓક્સિજન સપ્લાય આપવાનું ચાલુ રાખ્યું છે એટલે કે 9 ઉદ્યોગોને અવિરત ઓક્સિજન મળતો રહેશે. તેમણે કહ્યું કે આ નિર્ણયથી દેશમાં જરુરી માત્રામાં ઓક્સિજન ઉપલબ્ધ બનશે

(12:00 am IST)
  • દેશમાં રોકેટ ગતિથી ફેલાયેલ કોરોના મહામારીની સમીક્ષા કરવા માટે વડાપ્રધાન નરેન્દ્રભાઈ મોદીઍ અત્યારે સવારે ૧૧:૩૦ કલાકે કેન્દ્ર સરકારના અધિકારીઓની ઉચ્ચ સ્તરીય તાકીદની બેઠક બોલાવી છે access_time 11:20 am IST

  • કોરોના વાયરસની પરિસ્થિતિના કારણે બ્રિટનના પ્રધાનમંત્રી બોરિસ જોન્સનનો ભારત પ્રવાસ ફરી એક વખત રદ્દ access_time 4:49 pm IST

  • આજે પણ રાજકોટ શહેર - જિલ્લામાં કોરોના સંક્રમણનું જોર યથાવત : આજે સાંજ સુધીમાં રાજકોટ શહેરમાં 663 અને ગ્રામ્યના 98 કેસ સાથે કુલ અધધધ 761 નવા કોરોના ના કેસ નોંધાયા : લોકો બન્યા બેબાકળા access_time 7:53 pm IST