Gujarati News

Gujarati News

News of Saturday, 17th November 2018

મધ્ય પ્રદેશ ચૂંટણીઃ ભાજપે જાહેર કર્યો ચૂંટણી ઢંઢેરોઃ વિદ્યાર્થીનીઓને સ્કુટી અને ૧૦ લાખ લોકોને રોજગારીનું વચન

    ભોપાલઃ મધ્ય પ્રદેશ વિધાનસભા ચૂંટણી માટે આજે ભારતીય જનતા પાર્ટીએ ચૂંટણી ઢંઢેરો જાહેર કર્યો છે. કેંદ્રીય નાણામંત્રી અરૂણ જેટલી, ધર્મેદ્ર પ્રધાન, નરેંદ્ર સિંહ તોમર,મુખ્યમંત્રી શિવરાજ સિંહ ચૌહાણ, ભાજપના પ્રદેશ અઘ્યક્ષ રાકેશ સિંહ, પ્રભાત ઝા સહિત અન્ય નેતાઓ હાજર રહ્યા હતા. ૧૦ લાખ લોકોને રોજગારી આપવાનું વચન આપવામાં આવ્યું છે. ૧૨માં ધોરણમાં ૭૫ ટકા કરતા વધારે લાવનાર વિદ્યાર્થીનીઓને સ્કૂટી આપવાનું વચન આપવામાં આવ્યું છે. સ્કૂલના વિદ્યાર્થીઓ માટે મફત મુસાફરી કરવા માટે સુવિધા આપવામાં આવશે.

શિવરાજ સિંહ ચૌહાણે કહ્યું કે મધ્ય પ્રદેશને આઈટી અને મેડિકલના ક્ષેત્રમાં આગળ લઈ જવા માટે કામ કરીશું. દર વર્ષે ૧૦ લાખ રોજગાર ઉત્પન્ન કરશે સરકાર. કૃષિના માધ્યમથી ખેડૂતોની આવક બમણી કરવાનું કામ સરકાર કરશે. ગ્વાલિયર અને જબલપુરમાં સરકાર મેટ્રો લાવશે. નવી ઈન્ડસ્ટ્રિયલ ટાઉનશિપ સ્થાપિત કરશે. તેમણે ઉમેરેલ કે નારી શકિત સંકલ્પ પત્ર રજૂ કર્યું છે જેમાં મહિલા સશકિતકરણ માટે સ્વસહાયતા સમૂહો, તેજસ્વિની દ્વારા સ્વરોજગારનો અભિયાન બનાવવામાં આવશે. ગ્રામ્ય ક્ષેત્રોમાં પીવાના પાણી માટે નલજળ યોજના. વીજળીની ક્ષમતાને ૧૪૦૦૦ મેગાવોટ સુધી લઈ જવા માટે સરકાર કામ કરશે. મધ્યપ્રદેશમાં ભાજપ છેલ્લા ૧૫ વર્ષથી સત્તામાં છે. મધ્ય પ્રદેશની તમામ ૨૩૦ બેઠકો પર ૨૮ નવેમ્બરના મતદાન થશે. મતગણતરી ૧૧ ડિસેમ્બરના થશે.

(3:04 pm IST)
  • ગાંધીનગર: 260 કરોડના કૌભાંડનો મામલો : કેસમાં લાગવાઈ GPID એક્ટ : સ્પે.એક્ટ લાગવાથી આરોપીની મિલકતો ટાંચમાં લઇ છેતરપીંડીના ભોગ બનનારમાં વહેંચી શકાય છે : કેસની તપાસ માટે સ્પે.જજની કરાઈ નિમણૂક : સરકાર તરફે જિલ્લાના મુખ્ય સરકારી વકીલ પ્રવીણ ત્રિવેદી લડશે કેસ access_time 12:40 pm IST

  • બદ્રીનાથ ધામના કપાટ મંગળવારે બંધ થશે : ઉત્તરાખંડ સ્થિત ચાર ધામોમાંના એક વિશ્વ પ્રસિધ્ધ બદ્રીનાથ ધામના કપાટ ૨૦ નવેમ્બરને મંગળવારના રોજ વિધિ-વિધાન સાથે શીતકાળના કારણે બંધ થશે. જે ૬ માર્ચ સુધી અગાઉ ભાઇબીજના દિવસે કેદારનાથના અને ત્યારબાદ યમુનોત્રી ધામના કપાટ બંધ કરવામાં આવેલ. access_time 3:43 pm IST

  • આંતકી ઝાકીર મુસા રાજસ્‍થાનમાં ઘુસ્‍યો : પંજાબ- દિલ્‍હીમાં હાઇએલર્ટઃ રાજસ્‍થાનમાં આતંકી હુમલાની શકયતા access_time 1:11 pm IST