Gujarati News

ન્યુદિલ્હી : AAP ધારાસભ્ય અમાનતુલ્લા ખાનના બિઝનેસ પાર્ટનર હામિદ અલીની દક્ષિણ પૂર્વ દિલ્હી પોલીસે આર્મ્સ એક્ટ હેઠળ ધરપકડ કરી છે. શુક્રવારે એસીબીએ અમાનતુલ્લા ખાન સાથે મળીને અલીના ઠેકાણાઓ પર દરોડા પાડ્યા હતા.
દિલ્હીની ભ્રષ્ટાચાર વિરોધી શાખા (ACB) એ લગભગ આઠ કલાકની પૂછપરછ બાદ ઓખલામાંથી AAP ધારાસભ્ય અમાનતુલ્લા ખાનની ધરપકડ કર્યા પછી, તેના સાથીદારની પણ ધરપકડ કરવામાં આવી છે. AAP ધારાસભ્ય અમાનતુલ્લા ખાનના બિઝનેસ પાર્ટનર હામિદ અલીની દક્ષિણ પૂર્વ દિલ્હી પોલીસે આર્મ્સ એક્ટ હેઠળ ધરપકડ કરી છે.

ઉલ્લેખનીય છે કે શુક્રવારે એસીબીએ અમાનતુલ્લા ખાન સાથે મળીને અલીના ઠેકાણાઓ પર દરોડા પાડ્યા હતા. હામિદ અલીના ઘરમાંથી એક પિસ્તોલ, કેટલીક ગોળીઓ અને 12 લાખ રૂપિયાની રોકડ મળી આવી હતી. એસીબીના સૂત્રોએ શુક્રવારે જણાવ્યું હતું કે અમાનતુલ્લા ખાને દિલ્હી વક્ફ બોર્ડના અધ્યક્ષ તરીકે ફરજ બજાવતા બોર્ડની અનેક મિલકતોને ગેરકાયદેસર રીતે બહાર કરી દીધી હતી. તેમજ દિલ્હી સરકાર દ્વારા વક્ફ બોર્ડને મળેલા ફંડનો પણ દુરુપયોગ કરવામાં આવ્યો હતો. એસીબીનું કહેવું છે કે આ માહિતી બાદ જ ધારાસભ્ય અમાનતુલ્લા ખાનના ઘર અને અન્ય સ્થળો પર દરોડા પાડવામાં આવ્યા હતા.તેવું એચ.ટી.એચ.દ્વારા જાણવા મળે છે.