Gujarati News

Gujarati News

News of Monday, 15th April 2019

મધ્યપ્રદેશમાં બીજી જાતિના વ્યક્તિને પ્રેમ કરવાની શર્મનાક સજા મહિલાને ગામની સામે પતિને ખભા ઉપર ઉઠાવીને ચાલવું પડ્યું

ગામના લોકો તેને જોઈને ચીસો પાડતા મજાક ઉડાવી રહ્યા હતા : ઝાબુઆ દેવીગઢમાં મહિલાનું અપમાન

મધ્યપ્રદેશના દેવીગઢમાં આવેલા ઝાબુઆમાં શર્મસાર કરતી ઘટના સામે આવી છે. દેશમાં મહિલાઓ વિરુદ્ધ અત્યાચારોની શર્મનાક તસ્વીર સામે આવી છે. અહીં એક મહિલાને બીજી જાતિના વ્યક્તિને પ્રેમ કરવાની  સજા આપવામાં આવી હતી જેમાં મહિલાને આખા ગામની સામે પોતાના પતિને ખભા પર ઉઠાવીને ચાલવું પડ્યું.

 આ દરમિયાન ગામના લોકો તેને જોઈને ચીસો પાડતા અને તેનો મજાક ઉડાવતા હતા.જે સમયે મહિલા પોતાના પ્રેમીને ખભા પર ઉઠાવીને ચાલી રહી હતી ત્યારે મોટી સંખ્યામાં ગામના લોકો પણ તેની સાથે ચાલી રહ્યા હતા. ઘણા લોકો આ ઘટનાનો મોબાઈલ પર વીડિયો બનાવી રહ્યા હતા. એક વૃદ્ધ વ્યક્તિ મહિલાની આગળ ડાન્સ કરીને પણ ચાલી રહ્યો હતો.

  આ ઘટના સામે આવ્યા પછી ઝાબુઆ એસપી વિનીત જૈન ઘ્વારા જણાવવામાં આવ્યું કે કેટલાક લોકોએ ઝાબુઆ દેવીગઢમાં એક મહિલાનું અપમાન કર્યું છે. તેમને કહ્યું કે આખો મામલો સામે આવ્યા પછી તેમને કેસ નોંધી લીધો છે. બધા લોકો સામે કેસ નોંધવામાં આવ્યો છે. આ મામલે બે લોકોની ધરપકડ પણ કરી છે.

(1:51 pm IST)
  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • તામિલનાડુમાં જબરો રાજકીય ગરમાવો : DMKના લોકસભા ચૂંટણીના થુઠુંકુડી બેઠકના ઉમેદવાર સુ.શ્રી. એમ.કે. કનીમોઝીના ચેન્નાઇ સ્થિત ઠેકાણાઓ પર ઇન્કમટેક્ષ ડિપાર્ટમેન્ટ દ્વારા શરૂ કરાયું સર્ચ ઓપરેશન : રાજકીય ઉથલપાથલના એંધાણ access_time 10:56 pm IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST