Gujarati News

Gujarati News

News of Friday, 15th November 2019

અમેરિકાઃ લોસ એન્જેલસમાં શાળા પાસે અંધાધૂંધ ફાયરિંગ, ૭ લોકો ઘાયલ

નવી દિલ્હી, તા.૧પઃ  અમેરિકાના લોસ એન્જલસમાં એક શાળા પાસે ફાયરિંગની ઘટના ઘટી છે. આ ઘટનામાં ૭ લોકો ઘાયલ થયા છે. સાન્તા કલેરિટા શહેરના સૌગસ હાઈસ્કૂલમાં શૂટિંગની ઘટના ઘટતા લોકોમાં અફડા તફડી મચી છે. શાળાની કામગીરી શરૂ થવાની તૈયારી જ હતી અને આ ફાયરિંગ થયું.

પોલીસના જણાવ્યાં મુજબ આરોપીને હાલ કસ્ટડીમાં લેવામાં આવ્યો છે. આરોપીએ કાળા કપડાં પહેર્યા હતાં અને તેણે શાળા પાસે આડેધડ ફાયરિંગ કર્યું જેમાં ૭ લોકો ઘાયલ થયાના અહેવાલ છે. મીડિયા રિપોર્ટ્સ મુજબ આરોપી વ્યકિત ૧૫ વર્ષની ઉંમરનો છોકરો છે. આરોપીની પણ હાલ હોસ્પિટલમાં સારવાર ચાલી રહી છે.

અમેરિકામાં હાલ આ રીતે જાહેરમાં આડેધડ ફાયરિંગની ઘટનાઓ વધી રહી છે જે ચિંતાજનક છે.

(10:24 am IST)
  • દિલ્હીમાં ઓડ ઇવન સ્કીમનો આજે છેલ્લો દિવસ : 4 નવેમ્બરના રોજ શરૂ કરાયેલી સ્કીમ હવાઈ પ્રદુષણના વધી રહેલા ખતરાને કારણે લંબાઈ શકે : હજુ સુધી દિલ્હી સરકાર દ્વારા કોઈ નોટિફિકેશન જાહેર કરાયું નથી access_time 12:13 pm IST

  • સરતાનપર રોડ ઉપર પેપરમીલમાં મજૂરો વચ્ચે બઘડાટી : ૪ને ઈજા :વાંકાનેર નજીક સરતાનપર રોડ ઉપર આવેલ પેપરમીલના કારખાનામાં મજૂરો વચ્ચે મારામારી થતા ૪ મજૂરોને ઈજા થઈ છે : તેમાંથી બે મજૂરોને વધુ સારવાર અર્થે રાજકોટ ખસેડાયા છે : વાંકાનેર પોલીસે વધુ તપાસ હાથ ધરી છે access_time 6:34 pm IST

  • વારાણસીમાં તેજપ્રતાપ યાદવની કારને અકસ્માત : ઓટો સાથે ટકરાતા કારને નુકશાન : અકસ્માત સમયે તેજપ્રતાપ કારમાં સવાર નહોતા access_time 1:14 am IST