Gujarati News

Gujarati News

News of Monday, 15th October 2018

યુ.એસ.ના હયુસ્‍ટનમાં ૨૦ ઓકટો.ના રોજ દશેરા તથા દિવાળી ઉત્‍સવ ઉજવાશેઃ શ્રી સીતારામ ફાઉન્‍ડેશનના ઉપક્રમે થનારી ઉજવણીમાં સાંસ્‍કૃતિક કાર્યક્રમો, દશેરા પરેડ, ફટાકડાની આતશબાજી, સહિત વિવિધ પ્રોગ્રામ યોજાશે

હયુસ્‍ટનઃ યુ.એસ.ના હયુસ્‍ટનમાં આવેલા સુગરલેન્‍ડ મુકામે આગામી ૨૦ ઓકટો ૨૦૧૮ શનિવારના રોજ દશેરા તથા દિવાળી ઉત્‍સવ ઉજવાશે.

શ્રી સીતારામ ફાઉન્‍ડેશનના ઉપક્રમે થનારી સતત સાતમા વર્ષની ઉજવણીનો સમય બપોરે ૪ વાગ્‍યાથી રાત્રિના ૧૦ વાગ્‍યા સુધીનો રહેશે. આ પ્રસંગે ચિફ ગેસ્‍ટ તરીકે ટેકસાસ ગવર્નર ગ્રેગ એબોટ હાજરી આપશે. તથા પરેડ માર્શલ તરીકે કોંગ્રેસમેન પિટ ઓલ્‍સન ઉપસ્‍થિત રહેશે.

ઉજવણી અંતર્ગત મંચને રોશનીય સજાવાશે. તથા ફોક ડાન્‍સ, ઐતિહાસિક નાટકો બ્રિડલ ફયુઝન શો, વાનગી પ્રદર્શન તથા દશેરા પરેડ યોજાશે. જેમાં ભારતની સંસ્‍કૃતિનું નિદર્શન કરાવતા ૫૦ ફલોટસ જોડાશે. ઉપરાંત બાળકો માટે વેશભૂષા સ્‍પર્ધા, મૂન વોક, પેટ્રીંગ ઝુ, ફટાકડાની આતશબાજી, ફેસ પેઇન્‍ટીંગ સહિતના પ્રોગ્રામ યોજાશે. ઉજવણીનો આનંદ માણવા ૧૦ હજાર જેટલા લોકોનો સમાવેશ થઇ શકે તેવા સ્‍ટેડીયમની વ્‍યવસ્‍થા કરાઇ હોવાનું ત્‍ખ્‍ફ દ્વારા જાણવા મળે છે.

(10:12 pm IST)
  • ગ્લોબલ હંગર ઇન્ડેક્સમાં ભારત પાછળ ધકેલાયું :ગ્લોબલ હંગર ઈન્ડેક્સ પ્રમાણે ભૂખમરો દૂર કરવામાં પુરોગામી મનમોહનસિંહની સરકાર કરતા હાલની મોદી સરકાર પાછળ : વિકાસ અને ગરીબી દૂર થવાના સરકારી દાવાઓ વચ્ચે 2018ના ગ્લોબલ હંગર ઈન્ડેક્સમાં ભારતનું રેન્કિંગ વધુ ગગડયું :119 દેશોની ગ્લોબલ હંગર ઈન્ડેક્સની યાદીમાં ભારત 103મા સ્થાને પહોંચ્યું:. 2017માં ભારત ગ્લોબલ હંગર ઈન્ડેક્સમાં 100મા ક્રમાંકે હતું. access_time 12:24 am IST

  • અમદાવાદના સોલામાં ફાયરિંગની ઘટનામાં ત્રણ આરોપીની ધરપકડ :સામાન્ય તકરારમાં દત્ત બંગ્લોઝ સોસાયટીમાં થયું હતું ફાયરીંગ: સોલા પોલીસે પિતા સહિત બંને પુત્રોની ધરપકડ કરી સોસાયટીમાં ગરબા ચાલતા હતા જેથી ઝડપથી બાઈક નહીં ચલાવવા માટે ઠપકો આપતા મામલો બિચક્યો હતો :દાનારામ નામના શખ્શે ચાર રાઉન્ડ ફાયરીંગ કર્યું હતું. access_time 12:42 am IST

  • અમદાવાદના એલિસબ્રિજમાં ફાયનાન્સ કંપનીમાં લાખોની ચોરી કરી તસ્કરો ફરાર:રૂ 2.50 લાખની રોકડ અને વિદેશી ચલણી નોટોની ચોરી:અમેરિકા, બ્રિટન અને ઑસ્ટ્રેલિયા સહિત 12 દેશોના વિદેશી ચલણી નોટોની ચોરી:ફરિયાદી ફોરેન કરન્સી એક્સચેન્જનો ધધો કરે છે.:ઓફિસ ના ડ્રોઅરમાં મુકેલી ચલણી નોટોની ચોરી થતા નોંધાઈ ફરિયાદ:પોલીસે સીસીટીવી ફૂટેજ ના આધારે તપાસ શરૂ કરી access_time 1:06 am IST