Gujarati News

Gujarati News

News of Wednesday, 13th November 2019

કર્ણાટકઃ અયોગ્ય જાહેર કરાયેલા ૧૭ ધારાસભ્યોને સુપ્રીમ કોર્ટની રાહતઃ હવે ચુંટણી લડી શકશે

નવી દિલ્હી,તા.૧૩: સુપ્રીમ કોર્ટે કર્ણાટકના અયોગ્ય જાહેર કરવામાં આવેલા ૧૭ ધારાસભ્યો વિશે આજે ચુકાદો આપ્યો છે. કોર્ટે તેમના ચુકાદામાં સ્પીકર દ્વારા ધારાસભ્યોને અયોગ્ય જાહેર કરવાનો નિર્ણય સાચો ગણાવ્યો છે. એટલે કે કોંગ્રેસ અને જેડીએસના એ ૧૭ ધારાસભ્યો હવે અયોગ્ય સાબિત થઈ ચૂકયા છે. પરંતુ સુપ્રીમ કોર્ટ તરફથી આ ધારાસભ્યોને થોડી રાહત આપવામાં પણ આવી છે. તેમને ફરી ચૂંટણી લડવાની છૂટ આપવામાં આવી છે.

નોંધનીય છે કે, કર્ણાટકમાં ૫ ડિસેમ્બર ૧૫ વિધાનસભા સીટ માટે પેટાચૂંટણી થવાની છે. આ સંજોગોમાં અયોગ્ય જાહેર કરવામાં આપેલ ધારાસભ્યો પણ આ ચૂંટણી લડી શકશે તેવી સુપ્રીમ કોર્ટે મંજૂરી આપી છે.

સુપ્રીમ કોર્ટે તેમના નિર્ણયમાં કહ્યું છે કે, વિધાનસભા સ્પીકર એ નક્કી ન કરી શકે કે, ધારાસભ્ય કયાં સુધી ચૂંટણી લડી શકશે કે નહીં. સંસદીય લોકતંત્રમાં સરકાર અને વિપક્ષ પાસેથી નૈતિકતાની આશા રાખવામાં આવે છે. અમે સ્થિતિને જોઈને કેસની સુનાવણી કરીયે છીએ. કોર્ટ કહ્યું છે કે, અરજી કરનાર આ મામલે હાઈકોર્ટ પણ જઈ શકે છે.

(12:55 pm IST)
  • રાજયના પપ હજાર વીજ કર્મચારીઓ-અધિકારીઓની કાલની માસ સીએલ મુલત્વી રહે તેવી શકયતા ઉર્જા મંત્રીએ કમીટીને કાલે મંત્રણા માટે બોલાવી....: સાતમા પગાર પંચ-સ્ટાફની ઘટ-એરીયર્સ સહિતના પોણો ડઝન મુદા અંગે પપ હજાર વીજ કર્મચારીઓ-ઇજનેરોના આંદોલન સંદર્ભે જોઇન્ટ કમીટીને કાલે સવારે ૧૧ વાગ્યે મંત્રણા માટે બોલાવતા ઉર્જા મંત્રીઃ મીટીંગ સંદર્ભે કાલની માસ સીએલનો કાર્યક્રમ મુલત્વી રહેવાની શકયતાઃ આજે બપોરે મીટીંગ access_time 11:35 am IST

  • મધ્યપ્રદેશમાં ડેન્ગ્યુનો કહેર : ડેન્ગ્યુના 2915 કેસ નોંધાયા : બે લોકોના મોત :મધ્યપ્રદેશના ડેન્ગ્યુએ કહેર વર્તાવ્યો :ડેન્ગ્યુના વધતા કેસથી રાજ્ય સરકાર ચિંતિત : આરોગ્ય વિભાગમાં દોડધામ access_time 1:06 am IST

  • કાશ્મીરના પુંચ જિલ્લામાં સરહદ પર પાકિસ્તાને ફરી તોપગોળાનો વરસાદ વરસાવ્યો છે : ભારતીય સેના બરાબર વળતો જવાબ આપી રહી છે access_time 10:06 pm IST