Gujarati News

Gujarati News

News of Wednesday, 12th September 2018

સંસદમાં માલ્યાને મળ્યો હતો પરંતુ સેટલમેન્ટ મુદ્દે વાત થયાનું ખોટું :અરુણ જેટલીની સ્પષ્ટતા

2014ની વર્ષથી મેં માલ્યાને ક્યારેય પણ અપોઈન્ટમેન્ટ આપી નથી

 

નવી દિલ્હી :બેન્કોને કરોડોનો ચૂનો લગાડનાર વિજય માલ્યાએ લંડનની કોર્ટ બહાર આપેલા નિવેદનના પડઘા પડ્યા છે. નાણાપ્રધાન જેટલીએ સ્પષ્ટતા કરી હતી કે તેઓ સંસદમાં વિજય માલ્યાને મળ્યા જરૂર હતા પરંતુ સેટલમેન્ટ મુદ્દે માલ્યા ખોટુ બોલી રહ્યા છે.

  કેન્દ્રીય નાણા પ્રધાન અરૂણ જેટલીએ નિવેદન બહાર પાડીને ભાગેડુ આરોપી વિજય માલ્યાના ખુલાસા પર સ્પષ્ટતા આપી હતી  જેટલીએ માલ્યા સાથે મુલાકાતની વાત તો સ્વિકારી પરંતુ કહ્યું કે સમાધાનની વાત થઇ હોવાની માલ્યાની વાત ખોટી છે.

  અરૂણ જેટલીએ કરેલા વિગતવાર ખુલાસામાં જણાવ્યું કે માલ્યાએ પત્રકારો સમક્ષ કરેલા નિવેદન વિશે મારું ધ્યાન દોરવામાં આવ્યું છે. જેમાં માલ્યાએ એવું કહ્યું હતું કે તે મને મળ્યા અને સમાધાનની ઓફર કરી હતી. પણ તેમનો દાવો વાસ્તવિક રીતે ખોટો છે, તેમાં જરા પણ સત્ય નથી. 2014ની વર્ષથી મેં માલ્યાને ક્યારેય પણ અપોઈન્ટમેન્ટ આપી નથી અને તેથી મને મળવાનો પ્રશ્ન ઉભો થતો નથી. જેટલીએ કહ્યું કે વિજય માલ્યા રાજ્યસભાના સભ્ય હોવાથી તેઓ પ્રસંગોપાત હાજરી આપતા હતા.

(11:53 pm IST)
  • કોંગ્રેસ પ્રેરિત નાટકીય ઉપવાસ આંદોલનનો અંત:હાર્દિક કોંગ્રેસની સામે ભિગીબિલ્લી બન્યો.સમગ્ર નાટકીય ઉપવાસમાં કોંગ્રેસના આટલા બધા નેતાઓ આવ્યા પણ કોઇ પાસે લખાવી કે બોલાવી ના શક્યો "પાટીદારોને ઓબીસીમાં સમાવેશ કરવો જોઇએ":સમાજની લાગણી અને માંગણીની મજાક બનાવી,સમાજને ગુમરાહ કરનાર હાર્દિકના કોંગ્રેસ માટેનાં નાટકનો અંત થયો.તૅમ ભાજપના રેશ્મા પટેલએ કહ્યું હતું access_time 11:57 pm IST

  • સુરત :મિઝલ્સ-રુબેલા રસીકરણ કેમ્પેઇન:10 લાખ 82 હજાર 878 બાળકોને રસીકરણ કરાયું: રાજ્યમાં સૌથી વધુ બાળકોનું રસીકરણ સુરતમાં થયું :16 જુલાઈથી શરૂ થયું હતું કેમ્પેઇન: 9 માસથી 15 વર્ષના બાળકોનું રસીકરણ કરાયું access_time 11:02 pm IST

  • બરવાળા તાલુકા ભાજપ પ્રમુખ સુરેશ ગઢીયાએ નાયબ મુખ્યમંત્રી નીતિનભાઈ પટેલને લખ્યો પત્ર:બરવાળા તાલુકામાં આવેલ કેનાલમાં પાણી છોડવા કરી માંગ:વેજલકા પાસે સફાઈનું કામ શરૂ હોવાથી વૈકલ્પિક રસ્તો કરી કેનાલમાં પાણી છોડવા કરી માંગ access_time 10:58 pm IST