Gujarati News

Gujarati News

News of Saturday, 12th January 2019

છત્તીસગઢમાં એક મહિલા છેલ્લા ૩૩ વર્ષથી માત્ર ચા ઉપર જીવે છે

લોકો તેમને 'ચાય વાલી ચાચી' તરીકે ઓળખે છે

રાંચી તા. ૧૨ : છત્તીસગઢ જિલ્લાનાં બરડિયા ગામમાં એક મહિલા છેલ્લા ૩૩ વર્ષથી કશું ખાધા-પીધા વગર માત્ર ચા પીને જ જીવે છે. આ મહિલાનું નામ પિલ્લી દેવી છે. માત્ર ચા પર જ જીવન જીવતા હોવાથી લોકો તેમને ચાય વાલી ચાચી તરીકે ઓળખે છે. તેઓ ૧૧ વર્ષનાં હતા ત્યારથી ખાવાનું છોડી દીધુ હતું અને માત્ર ચા જ પીવે છે.

૪૪ વર્ષની આ મહિલાનાં પિતા રતિ રામે જણાવ્યું કે, તેમની દિકરી પિલ્લી છઠ્ઠા ધોરણમાં ભણતી હતી ત્યારથી તેણે ખાવાનું છોડી દીધુ હતુ. તે શાળામાં ભણતી હતી ત્યારે પટનામાં એક ટુર્નામેન્ટમાં ભાગ લેવા માટે ગઇ હતી ત્યાંથી પરત ફર્યા પછી ખાવાનું અને પાણી પીવાનું છોડી દીધુ હતું.

આ ઉપરાંત તેમણે કહ્યું કે, શરૂઆતમાં પિલ્લી ચાની સાથે બ્રેડ અને બિસ્કીટ ખાતી હતી પણ આ પછીથી તેણે તે પણ છોડી દીધું અને માત્ર ચા પર જીવવાનું શરૂ કર્યું. તે દિવસમાં એક જ વખત ચા પીવે છે. પિલ્લી દેવીનાં ભાઇ બિહારી લાલ રાજવદેએ કહ્યું કે, તેમના પરિવારે ડોકટરોની પણ મદદ લીધી હતી. કેમ કે, તેમને ડર હતો કે, જો તે ખાવાનું છોડી દેશે તો તેને કોઇ રોગ લાગુ પડશે પણ ડોકટરોની તપાસમાં કોઇ રોગ આવ્યો નહીં અને સ્વાસ્થ્ય સારૂ જણાયું. પિલ્લી દેવી ઘરની બહાર નિકળતી નથી. આખો દિવસ શિવની આરાધના કરે છે.

આ અંગે ડો. એસ.કે. ગુપ્તાએ જણાવ્યું કે, 'માણસો માત્ર ચા પીને જીવે એ શકય નથી. આ આશ્ચર્યજનક ઘટના છે. વૈજ્ઞાનિક રીતે જોઇએ તો, માત્ર ચા પર માણસ ૩૩ વર્ષ સુંધી જીવી શકે નહીં. આ શકય નથી.'(૨૧.૨૬)

 

(3:32 pm IST)
  • ભારતે પાકિસ્તાનના નિષ્ણાતોને ચેનાબ નદી પર બે હાઈડ્રોપાવર પ્રોજેક્ટનું નિરીક્ષણ કરવા પ્રસ્તાવ મોકલ્યો :ભારતે પાકિસ્તાનને પત્ર લખીને પાકિસ્તાની વિશેષજ્ઞો દ્વારા 27મી જાન્યુઆરીથી 1 ફેબ્રુઆરી વચ્ચે જમ્મુ કાશ્મીરમાં ચેનાબ નદી પર બે હાઈડ્રોપાવર પરિયોજનાનું નિરીક્ષણ માટે તેની યાત્રાનો પ્રસ્તાવ મોકલ્યો છે :આઇડબલ્યુટી અંતર્ગત ભારતે સિંધુ આયુક્તએ પોતાના પાકિસ્તાન સમકક્ષને નિમંત્રણ મોકલ્યું છે access_time 1:07 am IST

  • છોટાઉદેપુર : મધ્યપ્રદેશમાં કથિત આંતર રાજય બાળ તસ્કરીનો કેસ :પોલીસે વધુ એક બાળક ઉગારી પાલક પિતાની ધરપકડ કરી :આરોપી શૈલુ રાઠોડે રૂ.૧ લાખમાં વેચ્યું હતું ચાર માસનું બાળક :રિકવર કરેલા કુલ બાળકોની સંખ્યા ૧૪ પર પહોંચી :બાળ તસ્કરી કેસમાં આરોપીઓની સંખ્યા ૨૪ પહોંચી access_time 10:49 pm IST

  • કાશ્મીરમાં સેનાની મોટી સફળતા : બે આતંકીઓ ઠાર ;દક્ષિણ કાશ્મીરના કુલગામ જિલ્લાના કાટપુરા વિસ્તારમાં આતંકીઓ છૂપાયાંની માહિતી બાદ સુરક્ષાદળોએ સમગ્ર વિસ્તારની ઘેરાબંધી કરી :તલાસી અભિયાન ચલાવ્યું :માર્યા ગયેલા બે આતંકી પૈકી એક જીનત ઉલ ઇસ્લામ ઉપર 15 લાખનું ઇનામ હતું : અને કુખ્યાત આતંકી બુરહાન વાણીનો સાથીદાર હતો access_time 12:49 am IST