Gujarati News

Gujarati News

News of Saturday, 8th December 2018

કોટક મહિન્દ્રા બેન્કના શેરમાં ૧૪ ટકા જેટલો જંગી ઉછાળો

વોરન બફેટ દ્વારા હિસ્સો ખરીદવાના અહેવાલના પગલે રોકાણકારો માલામાલ

મુંબઇ તા. ૮ :.. અગ્રણી અમેરિકન રોકાણકાર અને બર્કશાયર હેથવેના ચેરમેન વોરેન બફેટે કોટક મહિન્દ્રા બેન્કમાં ૧૦ ટકા હિસ્સો ખરીદશે એવા અહેવાલોના પગલે શુક્રવારે કોટક મહિન્દ્રા બેન્કના શેરમાં ૧૪ ટકા જેટલો જંગી ઉછાળો આવ્યો હતો અને શેરનો ભાવમાં રૂ. ૧૬૩.૮પ વધીને ૧૩૪પ.પ૦ પર પહોંચી ગયો હતો. આમ, એક જ ઝાટકે કોટક મહિન્દ્રા બેન્કના રોકાણકારો ૩૧ હજાર કરોડ કમાઇને માલામાલ થઇ ગયા હતાં.

આ અગાઉ કોટક મહિન્દ્રા બેન્કનો શેર ગુરૂવારે રૂ. ૧૧૮૧.પ૦ પર બંધ થયો હતો.

નવેમ્બર-ર૦૧૪ બાદ કોટક બેન્કના શેરમાં શુક્રવારે ઇન્ટ્રાડેમાં સૌથી મોટો ઉછાળો જોવા મળ્યો હતો. ત્યારબાદ કોટક મહિન્દ્રા બેન્કના શેર શુક્રવારે બજાર બંધ થયું ત્યારે રૂ. ૧૦૦.૭પ ની તેજી સાથે ૧ર૮ર.રપ પર બંધ રહ્યો હતો. એવા અહેવાલો આવ્યા હતા કે વોરેન બફેટની કંપની બર્કશાયર હેથવે ભારતની પ્રાઇવેટ બેન્ક કોટક મહિન્દ્રા બેન્કમાં ૪ થી ૬ અબજ ડોલરનું રોકાણ કરી શકે છે.

અહેવાલ અનુસાર આ રોકાણ હિસ્સાની ખરીદી દ્વારા અથવા પ્રેફરન્સિયલ એલોટમેટ દ્વારા થઇ શકે છે તેવા અહેવાલના પગલે બેન્કના શેર પર મોટી અસર જોવા મળી હતી. (પ-૩૦)

(3:59 pm IST)
  • વડોદરાના પાદરાના નેદ્રા ગામે દીપડાની દહેશત :૫ દિવસથી દીપડો દેખાતા ગ્રામજનોમાં ભયનો માહોલ :ગામના લોકોએ ખેતરોમાં જવાનું બંધ કર્યું :ફોરેસ્ટ વિભાગ દ્વારા દીપડાને પકડવા માટે પાંજરું access_time 1:36 am IST

  • ગુજરાતના ભૂતપૂર્વ મુખ્યમંત્રી અને સોમનાથ ટ્રસ્ટના વડા કેશુભાઈ પટેલને તાવ અને કફને લીધે હોસ્પિટલમાં દાખલ કરવામાં આવ્યા છે. access_time 10:15 pm IST

  • બ્રિટનમાં ગોરાની સરખામણીમાં અશ્વેત શિક્ષકોને ઓછો પગાર : BBC દ્વારા એક ભારતીય મૂળની શિક્ષિકાના અનુભવને આધારે પ્રસારિત થયેલા સમાચાર મુજબ ગોરા શિક્ષકોની સરખામણીમાં 26 ટકા ઓછો પગાર મળતો હોવાની રાવ access_time 12:40 pm IST