Gujarati News

Gujarati News

News of Saturday, 7th December 2019

કર વસુલાતનાં મોરચે સરકારને આંચકો એડવાન્સ ટેક્ષ વસુલાતમાં ૧પ% ગાબડુ પડશે

૧૬ નવે. સુધીમાં સરકારી તિજોરીમાં માત્ર ૧.૮ લાખ કરોડ જ ટેક્ષ આવ્યો : ગયા વર્ષે રૂ. ૪.૧૬ લાખ કરોડ એડવાન્સ ટેક્ષ મળ્યો હતોઃ હાલ માત્ર ૪૦% જ પ્રાપ્ત થયો છે

નવી દિલ્હી તા. ૭ :.. કર વસુલાત બાબતે સરકારને વધુ એક ઝટકો લાગી શકે છે. ચાલુ નાણાકીય વર્ષમાં એડવાન્સ ટેક્ષની વસુલાત ગયા વર્ષની સરખામણીમાં ૧પ ટક ઓછી રહી શકે છે.

સુત્રો દ્વારા મળતી માહિતી અનુસાર, સરકારે અધિકારીઓને વસુલાત વધારવાની દિશામાં તાત્કાલીક પગલા લેવાના આદેશો આપ્યા છે. સાથે સાથે આગામી દિવસોમાં એડવાન્સ ટેક્ષ અંગે એસએમએસ અને મલ્ટી મીડીયા કેમ્પેઇનની મદદથી જાગરૂકતા ફેલાવવા અંગે પણ સરકાર વિચારી રહી છે.

નાણા મંત્રાલય દ્વારા સંસદમાં અપાયેલી માહિતી મુજબ, આ વર્ષે ૧૬ નવેમ્બર સુધીમાં સરકારી ખજાનામાં એડવાન્સ ટેક્ષ રૂપે ૧.૮ લાખ કરોડ જમા થયા છે. જે ગયા વર્ષની સરખામણીમાં ફકત ૪૦ ટકા છે. ગયા વર્ષે એટલે કે ર૦૧૮-૧૯ માં એડવાન્સ ટેક્ષ દ્વાર ૪.૧૬ લાખ કરોડ રૂપિયા જમા થયા હતાં. આંકડાઓ અનુસાર, છેલ્લા સતત ત્રણ નાણાંકીય વર્ષોમાં તેમાં વધારો જોવા મળ્યો હતો. ર૦૧૬-૧૭ માં ૩.૩૪ લાખ કરોડ અને ર૦૧૭-૧૮ માં ૩.૬૬ લાખ કરોડ રૂપિયા જમા થયા હતાં. આવકવેરા વિભાગ અનુસાર, જે કરદાતાઓનો ટીડીએસ કપાયા પછીનો ટેક્ષ ૧૦ હજારથી વધારે થતો હોય તેમણે એડવાન્સ ટેક્ષ ચુકવવો પડે છે. તેના હેઠળ નોકરીયાત લોકો પણ આવી જાય છે.

૧પ ડીસેમ્બર સુધીમાં લોકોએ એડવાન્સ ટેક્ષનો ૭પ ટકા હિસ્સો જમા કરાવવાનો હોય છે. આર્થિક મંદીના કારણે આર્થિક ગતિવિધીઓ ઘટવાથી લોકોની આવક પણ ઘટી છે. આ વર્ષના અંત સુધીમાં એડવાન્સ ટેક્ષની કુલ રકમમાં ૧પ ટકાના ઘટાડાનું અનુમાન છે.

(11:40 am IST)
  • ઈન્ટરનેટ બંધના મુદ્દે જમ્મુ બંધનું અપાયેલ એલાન સંપૂર્ણ નિષ્ફળ : પેન્થર પાર્ટી સહિત કેટલાક સંગઠનોના નેતાઓ - કાર્યકર્તાઓને અટકમાં લઈને જમ્મુ બંધ સરકારે નિષ્ફળ બનાવ્યુ : જમ્મુ કાશ્મીરમાં સતત મહિનાઓથી ઈન્ટરનેટ સેવા બંધ રહેવાના, સરોર ટોલ પ્લાઝા ખોલવાના અને વધતી મોંઘવારીના વિરોધમાં આજે જમ્મુ બંધનું એલાન અપાયેલ : આ અંગે છેલ્લા કેટલાક દિવસોથી દેખાવો થઇ રહ્યા હતા access_time 4:29 pm IST

  • વિશ્વની 10 પાવરફુલ ભાષાઓમાં ઇંગલિશ પ્રથમ નંબરે,ત્યારબાદ ફ્રેન્ચ, મેન્ડેરીએન, સ્પેનિશ, રશિયન, અરેબિક, જર્મન, જાપાનીઝ, પોર્ટુગીઝ અને દસમા નંબરે હિન્દી આવે છે access_time 10:06 pm IST

  • હીરાનગર-પૂંછમાં તોપગોળોનો વરસાદઃ બેબાકળી બનેલા પાકિસ્તાની લશ્કર સતત યુધ્ધવિરામ ભંગ કરી રહી છેઃ એલઓસી ઉપર સૈનિકોનો ખડકલો : છેલ્લા થોડા દિવસોમાં પોતાના અનેક સૈનિકોનો સફાયો થતા પાકિસ્તાની સૈના ખળભળી ગઇ છે. અને સતત સીઝ ફાયર ભંગ કરી રહી છે. ગઇકાલથી જ પાકિસ્તાન તરફથી હિરાનગર અને આજે પૂંછમાં બેફામ-લગાતાર તોપગોળો વરસાવી રહેલ છે. સરહદ ઉપર લગાતાર સૈનિકો ખડકી રહેલ છે. સાબ્જિયાં, શાહપુર, કિરની, બાલાકોટ, તારકુંડી, હમીરપુર, બલનોઇ, લામ, ઝંગડ, ભવાની, કલાલ, સેકટરોમાં મોટી હિલચાલ જોવા મળે છે. access_time 4:29 pm IST