Gujarati News

Gujarati News

News of Saturday, 5th December 2020

રાજસ્થાનમાં મંત્રીમંડળ વિસ્તરણ પહેલા રાજકીય ઘમાસાણ : અશોક ગેહલોતે કહ્યું સરકાર ઉથલાવવાની રમત ફરીથી શરૂ થશે

કોંગ્રેસના કાર્યકર્તાઓને સંબોધિત કરતા ગેહલોતે ભાજપ પર ગંભીર આક્ષેપ કર્યો

જયપુર : રાજસ્થાનમાંમંત્રીમંડળ વિસ્તાર પહેલા રાજકીય ઘમાસાણ મચ્યું છે રાજ્યના મુખ્યમંત્રી અશોક ગેહલોતે આરોપ લગાવ્યો છે કે ફરીથી સરકાર પાડવાની રમત શરૂ થવાની છે.ગેહલોતે કોંગ્રેસના કાર્યકર્તાઓને સંબોધિત કરતા જણાવ્યું કે રાજસ્થાનમાં સરકાર ઉઠલાવવાની રમત ફરીથી શરૂ થવાની છે. મહારાષ્ટ્રમાં પણ સરકાર ઉઠલાવવાની ચર્ચા છે

 ગેહલોતે જણાવ્યું કે ભાજપ તરફથી અગાઉ સરકાર ઉઠલાવવાના પ્રયાસના સાક્ષી કોંગ્રેસ નેતા અજય માકન રહ્યા છે. તેમણે જણાવ્યું કે આ ઘટનાક્રમ દરમિયાન રાજસ્થાનમાં કોંગ્રેસના પ્રભારી અજય માકન પણ હતા. આ ઘટના દરમિયાન માકન 34 દિવસ હોટલમાં અમારા ધારાસભ્યો સાથે હતા. CM Gehlot

અશોક ગેહલોતે દેશના ગૃહમંત્રી શાહ પર આરોપ લગાવ્યા છે કે અમારા ધારાસભ્યોને બેસાડી ચાય-નાસ્તો કરાવી રહ્યા હતા અને જણાવી રહ્યા હતા કે પાંચ સરકાર ઉઠલાવી છે, છઠ્ઠો પ્રયાસ ચાલું છે. ધર્મેન્દ્ર પ્રધાન તેઓના મનોબળ વધારવા માટે જજો સાથે વાતચીત કરવાની વાતો કરી રહ્યા હતા. ગેહલોતે જણાવ્યું કે શાહે અમારા ધારાસભ્યો સાથે એક કલાક મુલાકાત કરી હતી અને પાંચ સરકાર પાડ્યા પછી પણ છઠ્ઠી પાડવાની વાત શાહે કહી હતી

 

ગેહલોતે જણાવ્યું કે આ ઘટનાક્રમ દરમિયાન કોંગ્રેસ નેતા અજય માકન, રણદીપ સુરજેવાલા અવિનાશ પાંડે અહીં આવીને બેસી ગયા. તેમણે નેતાઓને બરતરફ કરવાનો નિર્ણય કર્યો, ત્યાર બાદ સરકાર બચી. તેમણે જણાવ્યું કે આખા રાજસ્થાના લોકો ઇચ્છતા હતા કે સરકાર ઉઠલાવવી ના જોઇએ. રાજ્યના લોકો કોંગ્રેસના ધારાસભ્યોને ફોન કરીને કહી રહ્યા હતા કે સરકાર અડીખમ રહેવી જોએ. લોકો કહી રહ્યા હતા કે ભલે બે મહિના લાગી જાય પરંતુ સરકાર ના પડવી જોઇએ.

કહેવામાં આવી રહ્યું છે કે મુખ્યમંત્રી અશોક ગેહલોતે ભાજપનું નામ લઇ પૂર્વ ઉપ મુખ્યમંત્રી સચિન પાયલટ પર નિશાન સાધ્યું છે. કહેવામાં આવી રહ્યું છે કે રાજસથાનમાં ટૂંક સમયમાં મંત્રીમંડળનું વિસ્તાર થશે, આવામાં નામ લીધા વગર સચિન પાયલટ પર હુમલાને રાજકીય અર્થ કાઢવામાં આવી રહ્યા છે. CM Gehlot

રાજસ્થાનના મુખ્યમંત્રી અશોક ગેહલોતના આરોપ પર ભાજપના પ્રદેશ અધ્યક્ષ સતીશ પૂનિયાએ પણ પલટવાર કર્યો. પૂનિયાએ જણાવ્યું કે અશોક ગેહલોત સરકાર ચલાવવામાં અક્ષમ છે, તેથી ખોટા અને તથ્યહીન આરોપ લગાવી રહ્યા છે. કોંગ્રેસની અંદરખાને બની રહી નથી, જેના કારણે તેઓ પરેશાન છે, તેથી ભાજપ પર કોઇ પણ પુરાવા વગર આરોપ લગાવવામાં આવી રહ્યા છે.

(6:48 pm IST)
  • મુંબઈગરાંઓ માટે 26 ઈલેક્ટ્રિક AC બસોનું મુખ્યમંત્રી ઉદ્ધવ ઠાકરે દ્વારા લોકાર્પણ.: ટાટા મોટર્સ દ્વારા આ ઈલેક્ટ્રિક બસો બનાવવામાં આવી છે. કેન્દ્ર સરકારની નીતિ અનુસાર મુંબઈને આવી કુલ 340 બસ મળવાની છે... access_time 8:35 pm IST

  • દેશમાં કોરોનાથી મૃત્યુઆંક 1.40 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10 -30 વાગ્યા સુધીમાં કોરોનાના નવા 28,222 કેસ નોંધાયા : કુલ કેસની સંખ્યા 96,36,741 થઇ : એક્ટીવ કેસ 4,03,015 થયા : વધુ 33,273 દર્દીઓ સ્વસ્થ થતા કુલ 90, 91,334 રિકવર થયા : વધુ 335 ના મોત સાથે કુલ મૃત્યુઆંક 1,40,072 થયો access_time 12:04 am IST

  • શિરોમણિ અકાળી દળના નેતા હરસિમરત કૌર બાદલની તબિયત લથડી :ચંદીગઢની હોસ્પિટલમાં દાખલ કરાયા : શ્વાસ લેવામાં તકલીફ access_time 11:50 pm IST