Gujarati News

Gujarati News

News of Saturday, 5th December 2020

લ્યો બોલો ! કુતરાના ૪૨ બચ્ચા માટે બે મહિલાઓ વચ્ચે થયો ખરાખરીનો જંગઃ બંને મહિલા પહોંચી પોલીસ સ્ટેશન

જોધપુર,તા. ૫: રાજસ્થાનના જોધપુરમાંથી એક એવો મામલો સામે આવ્યો છે, જેને સાંભળીને સૌ કોઈ દંગ રહી જાય છે. હકીકતમાં શહેરમાં બે મહિલાઓ વચ્ચે ડોગીના ૪૨ બચ્ચાને લઈને લડાઈ થઈ ગઈ છે. જેમાં એક મહિલાએ બીજી મહિલા પર આરોપ લગાવ્યો છે કે, તે કુતરાને ૪૨ બચ્ચાને જબરદસ્તી લઈ જઈ રહી હતી. તો વળી બીજી મહિલાએ પણ પોતાના પક્ષ રજૂ કર્યો હતો. જો કે, બાદમાં આ આખોય મામલો પોલીસ સ્ટેશન સુધી પહોંચી ગયો હતો. હાલમાં આ મામલે તપાસ ચાલી રહી છે.

કુતરાના ૪૨ બચ્ચાને લઈને શહેરમાં આ પ્રકારની જંગ થતાં શહેરીજનો પણ વિચારમાં પડી ગયા છે. આ મામલામાં એક પક્ષમાં રાતાનાડા વિસ્તારમાં સેન્ટ્રલ સ્કૂલ સ્કીમ વિસ્તારમાં રહેતી સંગીતા સુરાણા છે. તેનો આરોપ છે કે, એક મહિલા ડોગીના ૪૨ બચ્ચા જબરદસ્તી લઈ જઈ રહી છે. તો વળી જોધપુરના સેકટર ૭માં રહેતી રીમા મૈસીનું કહેવુ છે કે, તેણે ડોગીના આ ૪૨ બચ્ચાનો જીવ બચાવ્યો છે. તેને નગર નિગમના વાડામાંથી છોડાવ્યા છે.

સંગીતાએ દ પીપલ સંસ્થાને જણાવ્યુ હતું કે, અમુક લોકો આવ્યા અને તેના દ્યરેથી ડોગીના ૪૨ બચ્ચા જબરદસ્તી પોતાની સાથે લઈ ગયા હતા. તેથી આ બચ્ચા તેને પાછા આપવામાં આવે. જેના પર સંસ્થાના સંસ્થાપક મંજૂ સુરાણાએ રતાનાડા પોલીસ સ્ટેશનમા ફરિયાદ પણ નોંધાવી છે. સંગીતાનું કહેવુ છે કે, જયાં સુધી આ ડોગીના બચ્ચા તેને પાછા નહીં મળે ત્યાં સુધી તે અન્ન એકેય દાણો નહીં લે.

(9:32 am IST)
  • શિરોમણિ અકાળી દળના નેતા હરસિમરત કૌર બાદલની તબિયત લથડી :ચંદીગઢની હોસ્પિટલમાં દાખલ કરાયા : શ્વાસ લેવામાં તકલીફ access_time 11:50 pm IST

  • દેશમાં કોરોનાથી મૃત્યુઆંક 1.40 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10 -30 વાગ્યા સુધીમાં કોરોનાના નવા 28,222 કેસ નોંધાયા : કુલ કેસની સંખ્યા 96,36,741 થઇ : એક્ટીવ કેસ 4,03,015 થયા : વધુ 33,273 દર્દીઓ સ્વસ્થ થતા કુલ 90, 91,334 રિકવર થયા : વધુ 335 ના મોત સાથે કુલ મૃત્યુઆંક 1,40,072 થયો access_time 12:04 am IST

  • ખંભાળિયામાં યુવાનને નગ્ન કરીને ફેરવવાનો મામલો: ઇન્ચાર્જ પીઆઇ સહિત નવ પોલીસમેન સસ્પેન્ડ, ટ્રાફિક બ્રિગેડના બે કોન્સ્ટેબલને બરતરફ કરાયા: પોલીસ ઇન્સ્પેકટરને તાત્કાલિક અસરથી લીવ રિઝર્વમાં રખાયા : રાજકોટ રેન્જના આઇજી સંદીપ સિંહનું આકરુ પગલું access_time 9:37 pm IST